Sɛɡla 27:9 - mzwDBL

⁹ Konsɔɔhsoma sɔɔh ɡelɔ nɛn sie ɛɛ lɛ, ɡɛɛ dansom tenten ɡe liire waa tɛɛ la do.

Sɛɡla 27:9 ပူးပေါင်းရင်းမြစ်များ

Sɛɡla 16:21

Nɛn o liire aa wera dɛ dɔ wejema laanee ba ŋɔ o dɛ no waa mun. O wobosoma taa a che nɛra sɛh dɛɛ ba o be.

Yela 23:5

He ɛ kondikonjena cheɡ n sie, n dɔma bwa siwi ta. He fuɡe noo do n nyu ta, dɛ ɡel n numol su dɛɛ ta.

Sɛɡla 15:23

He chaŋe waa aŋwɛnɛ ta naa, a dɛ ba silɛɛ ne dɛɛ tɛɛ. Waa bola a saŋ ta wer ɡa.

Yela 104:15

dɛ́ dɔ sen nyɔ ba sie lɛ, ne noo baa kpɔ fɔɡle ba siebɔra á do wer, dɛ kondikwa aa tɛɛ ba bokpeɡa ɡe.

Yelsom 4:10

N hanfale ne n sɛnodɛɛɡe, na ɡɛ n sie aa lɛ he nyina haa dɛ nyin mɛ ta! He nyina dɔ pɛla kohona dɛ ɡwaa sen, asɛ he konsɔɔhsoma sɔɔh ɡwaa daawiile baa dɛ fuah sɔɔh.

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

Amanesoma Jɔn Aa Chwera Tɔn 12:3

Anee Mɛɛre kpɔ nosɔɔhsoma loŋbir a yoɡ aa kpeɡa kohona ba fuɡe ta Yeesu napaala ta, dɛ kpɔ o nyumpona dɛɛ feera. Asɛ dea la bini bwa sɔɔh do som ken.

Yela 133:2

A wer dɛ do kɛŋɔ, baa dɛ cheɡ Arɔn sɔfore ta, dɛ fuɡe noo a yoɡ aa kpeɡa do o nyu ta, a palɛ jo o tampona ta, dɛ ba le o batakaare baŋa ta ken.

Sitɔɔla 9:9

Anee ɔleve daa ŋɔ, ‘Maa won ɡel noo maa ɛa dɛɛ tɛ voɡa ne nɛra baa dɔ jirima nɔ, dɛ́ ba di kora he nɛ.’

We-ɛɛla 28:15

Rom asɔre tena aa no ya waa la, ba baa cheme yaa Apius Yawa ta ne bela baa dɛ yerɛ Deene Atoro la bɔr. Pɔɔl aa na ba la, o bambile ba harɛ, asɛ o jam Korowii.

Yelsom 1:3

He nosɔɔhsoma sɔɔh som, he sɔn do kɛŋɔ baa fuɡe nosɔɔhsoma ta. A waa ɡela bitoli bwa ɛɛ nyin he wa.

Sɛɡla 7:17

Dɛ kpɔ korobo ne konsɔɔhsoma bwa soo siwi merɛ o ta.

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

1 Koranar 1:12

Taraken n dɛ jae kɛŋɔ, dɛ he dɛ nyin he ne he bie nyu tenaa, amɔ te no waa maa dɛ ba he be bola nɔ.