Sɛɡla 27:23 - mzwDBL

²³ Nyiŋi he kondɛɛra ta kɛrɛdɛ, dɛɛ do sie a nɛ,

Sɛɡla 27:23 ပူးပေါင်းရင်းမြစ်များ

Mumpar 33:13

Jekɔb ɡe berɔ ŋɔ o be ŋɔ, “He nao kɛŋɔ n bii nɔ nɔn kao, asɛ n peera ne nae ne a bii aa dɛ ɔr la bwa ɡe waa hiah mɛ. Maa won kpɔa valɛ kohona tɔpebir a ba serewe.

2 Webena 26:10

O berɔ ɡel ba ma dejaŋa pua hɛŋle ɡbo harɛ ta, dɛ kwi bɔɔne aa won nee lɛɛ bwea lɔɡre, ne deŋɡarere harɛ aa chɔa kaa la ta, dɛkalkɛ o dɔ kondɛɛra kɛrɛdɛ. Dɛ o dɔ nɛra baa dɛ ɛ toma o kooni ne daa kooni aa lɔ deŋɡarere ne harɛpare andɛɛɡa ta, dɛkalkɛ dɛ o sie dɛ lɛ para ta.

Kaala 7:23

O berɔ kaa o koodem, dɛ ka laa o liire kpɔ waa waa naa la bwa ta.

Sɛɡla 24:27

Nyin koo haa dɛ di o ta mɔɔ dɛɛ nyin bela haa kpɔ he nyu bil.

Sɛɡla 24:32

N nyiŋi koo la jeiih ken, dɛ lii waa kɛrɛdɛ, dɛ kpɔ hweli wa.

Jeremia 31:10

Korowii ŋɔ, “Harɛre nɛra, hé no, hɛ́ɛ bol n waa la mpo nyoa bojaŋ harɛre ta. N lɔ n nɛra Israel tena peɡre, kɛ mɛɛ berɔ boa ba nyoa, ásɛ dɛ nyiŋi ba nɛɛ kɛŋɔ peteɡre aa dɛ nyiŋi peera la ken.

Ɛsekeɛl 34:12

Gɛ peteɡre la peera ne dibɔr, dɛ ane peɡrɔ o yon ɡaaɡe dɛɛ nyin a bɔr la, ɡɛɛ Israel tena fa peɡre kaa harɛre bwa ta awola tɔpechɔɡe bɛl wee. Mɛɛ ɡaaɡe ba bɔree name, dɛ́ berɛ ba ba ne.

Ɛsekeɛl 34:31

Hé ɛ n peera, mɛɛ dɛɛ heya. Hé ɛ n nɛra, n ɛ Korowii haa dɛ tom mɛ. Men Nemenɛ Korowiirii bola.”

Amanesoma Jɔn Aa Chwera Tɔn 10:3

Dɛ o balaa, onee naate waa dɛ daah doonyoa la ɛɛ ba pila tɛ o dɔ bɔr jo a be. Peera la ɛɛ no o taa, ásɛ o yerɛ anla aa ɛ o kwaa la sɔna á teŋɛ o nɛɛ ó le a ne kaa.

Mmarare 32:46

o ŋɔ ba be ŋɔ, “Hé nyiŋi kɛrɛdɛ kɛŋɔ hɛɛ teŋɛ ɡɛ waa maa dɛ do heyaa a ta fini nɔ taa. Hé kpɔ do he bii ásɛ ba ɡee teŋɛ Korowii webaɡla la ta kɛrɛdɛ.

1 Pita 5:2

hɛ́ɛ nyiŋi Korowii nɛra baa ɛ o peera waa kpɔ ba tɛ heyaa ŋɔ hɛ́ɛ nyiŋi ba nɛɛ la kɛrɛdɛ. He bɛ ɡel ba do heyaa mɔɔ hɛɛ nyiŋ ba kɛrɛdɛ, hé ɡel a ɛ he ɡbaɡba tetoowa. He bɛ suuɡa sibeɡra waa koh dɛɛ ɛ ɡɛ toma nɔ, hé nyiŋi nyina haa dɛ nyin kɛ toma la kaa kɛrɛdɛ la dɛɛ ɛa.

1 Samoɛl 17:28

Devid dɔɔ nomoa Eliab aa noa kɛŋɔ Devid ne baala la dɛ bol waa la, o baah di o nɛ, dɛ bɔɔro ŋɔ, “Bɔkwaa hɛɛ nyin bonɔ nɔ? Umee he kpɔ peera la kabora ja pua hɛŋle ɡbo harɛ ta bela wɛɛ nyiŋi a ta nɔ? N jemɛ ɡɛ haa dɛ ɡɔɔ he te, ne ɡɛ he bambile aa kpeɡa, he balɔ dɛ́ ba nyiŋi laa nɔ.”