Sɛɡla 27:18 - mzwDBL

¹⁸ Dɛ he nyiŋi fiɡ daa ta kɛrɛdɛ naa, he dɔ o nɔna dɛɛ di, ɡɛɛ dɛ bonɔɔ tomɛ o dɔɔ kɛrɛdɛ naa, wɛɛ dɔ sɔn.

Sɛɡla 27:18 ပူးပေါင်းရင်းမြစ်များ

2 Koranar 18:31

He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne.

2 Koranar 3:11

Kooro Jehosafat ŋɔ, “Korowii keame bɛl lɔ bonɔ, ásɛ ya che o nɛɛ bɔɔ le Korowii be naa?” Asɛ Israel Kooro Joram laa nomonome la bɛl ŋɔ, “Safat bibaa Elaesa lɔ bonɔ, dɛ onee dɛɛ cha Elaeja.”

2 Koranar 5:25

Ate, Gehasi berɛ la ka che o dɔɔ Elaesa sie. Elaesa bɔɔro ŋɔ, “Leperaa he leɔ?” Gehasi ŋɔ, “N dɔɔ, n ta bobɛlbwa laŋɛ.”

2 Koranar 5:27

Gɛ haa ɛa nɔ nomanta, wee a fa aa lɔ Naaman nɛɛ la ɛɛ ba he ne he naanar nɛɛ saŋ bɛlbwa dɛɛ la.” Asɛ Gehasi le Elaesa be kaa, dɛ wee lawɛ o bwa dɛ to kɛŋɔ yabi ken.

Ɛsta 6:11

Anomanta, Heeman lɛ koolaala la ne jaaɡɔ la kaa Mɔdekae be, dɛ ka kpɔ laala la doo, asɛ Mɔdekae teeh so jaaɡɔ la ta. Heeman kpɔɔ kpɔ bwɛɛ la fɔɡbaahna, o nyoa che chiŋ wɛɛ ŋɔ, “Hé na ɡɛ kooro aa ɛ nɛn o bambile aa lawɔ kɛ ó tɛo sɔn!”

Yela 123:2

Gɛ bonɔɔ yon dɛɛ nyiŋi o dɔɔ siwi ta, kɛɛ tolo yon dɛɛ nyiŋi o nomoa siwi ta la, ɡɛɛ yaa nyiŋi hen Korowii yaa dɛ tomɛ siwi ta, ka tel kɛŋɔ haa sune ya nɛ.

Kaala 24:13

Ate, Mosis ne Josua waa dɛ chao la kpɔ ba te le kaa Korowii be bwe la doa.

Sɛɡla 17:2

Yom waa jemɛ waa la, dɛ nyiŋi o dɔɔ bie o wa aa wola kɛrɛdɛ doe nɛ, o dɛ dɔ kapɛrɛ kwaa aa ɛ bii la kwaa la ane.

Sɛɡla 22:29

Nɛn waa jemɛ nɔn toma kɛrɛdɛ la, koranar tomaa wɛɛ ɛ, waa nɛnsale toma ɛ.

Sɛɡla 27:17

Gɛ buni aa dɛ sar buni la, ɡɛɛ chamene tena hweli waa dɛɛ le dɔŋa be.

Sɛɡla 27:19

Gɛ nɛn nyiŋi nee ta o yon na ɡɛ o siebɔr aa doa la, ɡɛɛ o liire ɡe ɛɛ baɡle o nɛnsoo.

Yelsom 8:12

N daa koo ɛ n ɡbo kon n won kpɔ tɛ. Kooro Solomɔn, he ken dɔ suuɡapoŋa kaɡboŋ, asɛ paara baa dɛ nyiŋi koo la ta ɡe dɔ suuɡapoŋa lafraanɛ.

Aesaya 36:16

He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne,

Matiu 24:25

N felo dɛɛ bol waa nɔ he be noo, ásɛ he pu sie jemɛ a wa.

Matiu 24:46

Dɛ o dɔɔ la baa puu, dɛ o dɛ ɛ ɡɛ waa kpɔa do o nɔn ta la aa, o sie ɛɛ lɛo.

Amanesoma Mak Aa Chwera Tɔn 10:43

Kɛ ɡɛ laa chɛ kɛŋɔ á do he te be. Dɛ he bini bɛl dɛ nyin ó ɛ he bwa nomoa aa, a chɛ kɛŋɔ ó kpɔ o te ɛ bechala dɛɛ tomɛ heya.

Amanesoma Luk Aa Chwera Tɔn 12:37

Bonɔɔna baa soɡa kpa ba dɔɔ, ba ta dom chɔe o ba puu ba la, ba sie dɛ lɛ. Kasinteŋ, n dɛ ŋɔ he be, wɛɛ kpɔ o tenee dɛ́ yer ba so tiɡ ta, ásɛ dɛ tɛɛ ba kwaa ba di.

Amanesoma Luk Aa Chwera Tɔn 12:42

Asɛ Yeesu chaŋo ŋɔ, “Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Amanesoma Luk Aa Chwera Tɔn 19:17

Anee nomoa la ŋɔ, ‘Jam, bonɔndɛɛɡe, he ɛ wa! Gɛ haa di kasinteŋ tamaa nɔ ta nɔ, mɛɛ ɡeloo he nyiŋi bwɛɛre fi ta.’

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

We-ɛɛla 10:7

Nyundua torome la aa bol waa tonɛ la, o kaalɔ, asɛ Kɔnɛɛleɔs yerɛ o bonɔɔna banɛ ne sooja bɛl waa dɛ tomɛ Korowii kohona dɛɛ teŋɛ o Kɔnɛɛleɔs nɛɛ saŋ bɛlbwa la,

1 Kɔrent 3:8

Nɛn waa dɛ du kwaa ne onɔ la waa dɛ do nee a ta la te bɛlbwa ta korɛ. Korowii dɛ bɔ bɛlbwa kem ɡɛ aa chɛa.

1 Kɔrent 9:13

Haa jemɛ kɛŋɔ nɛra baa dɛ ɛ toma Korowii Dea la, a taa ba dɔ kwaa dɛɛ di, asɛ banɔ la ɡe baa dɛ kpoo kwaa baa kpɔa baa tɛ Korowii o Dea bini la, a taa ba ɡee di kɛɛ?

1 Kɔrent 9:7

Dɛ he ɛ sooja dɛɛ kaa laa laa, toma la ta laa hɛɛ di aa? He parɛ koo aa, haa koo la kondikwaa di aa? Nateɡre besoo wola o nae elnee nyɔɔ?

Kolosi 3:22

Bonɔɔna ne toli ɡe, hɛ́ɛ no nɛra haa dɛ tom ba harɛ nɔ ta la waa saŋ bɛlbwa. He bɛ ba siebɔr na mɔɔ dɛ́ɛ tom ba dɛ́ɛ nyin baa kpɛɛ heya. Hé ta tea dɛ́ɛ tom ba ɔma haa dɛ ɔmɛ he Dɔɔ Yeesu Kristo nomanta.

2 Timoti 2:6

Paa waa dɛ swɛɛ siwi o koo toma ta laanee chɛ kɛ o di koo la kondikonloɡla.

1 Pita 2:18

He banɔ la baa dɛ do heyaa bonɔɔna kɛɛ toli la, hé pwɛr he te, dɛɛ tɛ he dɔɔranar dɛɛ duu ba. He dɔɔranar ba tea aa soma ba do pwɛre ɡbo laa n ŋɔ. Hɛ́ɛ duu banɔ la ba nyu bini aa kpeɡa ɡba.

1 Pita 2:21

A ɡɛ waa nɔɔ Korowii le heyaa ŋɔ hɛɛ na, dɛkalkɛŋɔ Yeesu Kristo koh he waa dɛ na wahala, asɛ a chɔ tɛ heyaa kɛŋɔ hɛɛ lawɛ bambile he wahala ta. Ba chwerɔ ŋɔ,

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.