Sɛɡla 26:24 - mzwDBL

²⁴ Nɛn o nyoa wobol aa soma, kɛ dɛ dɔ liichɔɡa la dɛ́ neɡre nɛra.

Sɛɡla 26:24 ပူးပေါင်းရင်းမြစ်များ

Sɛɡla 12:20

Nyosone ɡboo nɛn waa dɛ lii wechɔɡa nyu bini. Nɛra baa dɛ ba deŋnesɔɔhna ne la dɔ silɛɛ.

Sɛɡla 10:18

Nɛn waa hah o dɔŋ dɛɛ tɔh la ɛ nyosonteŋni, asɛ nomɛlbwa waa dɛ taa nyokpɛl la ɡɛnɔ.

Yela 41:6

Nomɛlbwa na mɛ naa, nyosonee wɛɛ teŋe, liichɔɡa yon su o bambile, dɛ́ le kaa bola bobɛlbwa.

Sɛɡla 14:8

Wejereme jemɛ waa aa wera kɛ o ɛ. Gɛnee yon dɛɛ neɡre o nyu kɛ o jemɔ.

Sɛɡla 12:17

Nɛn waa dɛ di kasinteŋ laanee dɛɛ di danseɛ aa toɡra, nyosonteŋnii dɛɛ di dansewea.

Sɛɡla 12:5

Nɛn o wa aa toɡra bol waa dɛɛ pa bole aŋwɛnɛ ta, kɛ nɛn o nyondoŋe aa bar o nyu te liire ɛ nyosone ɡbosoo.

Sɛɡla 11:1

Korowii kii nɛn waa dɛ faah nɛra kwaa yoɡa ta. O sie dɛ lɛ nɛn waa kpɔ kon waa maɡra ne kwaa maɡa nɛ.

Sɛɡla 23:7

Gɛ naate la liire aa doa la, ɡɛɛ o ɡbaɡba do. Wɛɛ ŋɔ he bee ŋɔ, “Di he tea bwa.” Kɛ dɛ o bambile bwa ne laa.

Jeremia 9:4

Hɛ́ɛ nyiŋi he daamanar kɛrɛdɛ, dɛɛ berɛ he hwɛɡa kpɔe do he lolanar nɛ, dɛkalkɛ ba bɛlbwa ɛ nyosonteŋni, asɛ daamanar ɡe ɛɛ chɔɡ dɔŋa.

Mumpar 34:13

Sɛkem aa ɡuɡri ba nimambie Daena o ne o chɔ nomanta, Jekɔb bii la neɡre o ne o mɛɛ Hamɔ.

1 Samoɛl 18:17

Kooro Sɔɔl ŋɔ Devid be ŋɔ, “N lawɛ n bihanomoa baa dɛ yerɔ Merab dɛɛ tɛɛ hé mo. Dɛ hɛɛ dɛɛ tom mɛɛ, dɛ́ yo Korowii laa kasinteŋ ta dɛɛ tɛo tenaa.” Kooro Sɔɔl liiro kɛŋɔ anɔ taa aa ba cheɡa Filisti tena kpoo, kɛ o ɡbaɡba laa dɛ́ kpoo.

2 Samoɛl 13:26

Ate, Absalɔm berɛ ŋɔ, “A wer, dɛ ɡɛɛ tenaa, tɛ n dɔɔ Amnɔn ŋwɛnɛ ó ba ja ya nɛ.” Asɛ kooro bɔɔro ŋɔ, “Ɛrɛɛ chɛ kɛ ó ba ja he nɛɔ?”

2 Samoɛl 13:27

Dɛ Absalɔm ta teŋɔ dɛɛ soŋe, asɛ kooro tɛ Amnɔn ne o bibaala la kar ŋwɛnɛ ba kaa ka ja o nɛ. Absalɔm daa kondikonjena aa chɛ kooro,

2 Samoɛl 20:9

Joab bɔɔ Amasa ŋɔ, “N dam, ɛrɛɛ he bwara doɔ?” Belaa Joab kpɔ nɔndiɡ lawɛ Amasa tampona dɛ ɡbaaro pɛl o te.

Nehemia 6:2

Sanbalat ne Gɛsem kpɔ kala tɛ mɛ ŋɔ, “Gel ya ne he cheme Ono deŋɡarere dor harɛ waa chɔa kaa bwɛjeɡre la bɛl ta.” Dɛ n vɔrɔwaa baa vɔrɔwe dɛ́ che a ta ɛɛ mɛ waane,

Yela 12:3

N Naa Korowii, ɡel nyokpɛl ne nyoo baa kpɔa dɛɛ bol wejena ba a jaɡa.

Yela 28:3

Bɛ pɛ pa n ne nyubinikpeɡ tena bolchɔɡe, nɛra baa dɛ ɛ wechɔɡa la, ba nyoa wobol som ba bala be, kɛ dɛ dɔ liichɔɡa ba nyu bini la.