Sɛɡla 25:28 - mzwDBL

²⁸ Nɛn waa wola won bambile lawɛ la, o do kɛŋɔ bwɛjen baa ma danjwɛɛ baro o kuuɡi la ken.

Sɛɡla 25:28 ပူးပေါင်းရင်းမြစ်များ

2 Webena 32:5

Kooro Hɛsɛkea ɛ toma taeh, dɛ ɡel ba kwaa ma danjwɛɛ waa bar Jerusalam la bobɛla aa kuuɡa la, dɛ ma dejaŋa chɔŋɛ danjwɛɛ la ta. O berɔ ɡel ba ma danjwɛfale bɛl bar ombene la, dɛ che bwea su harɛ waa ɛ bɔɔ Kooro Devid Bwɛjen la ta. O berɔ ɛ dɔmkwaa ne kwaa baa kpɔa dɛɛ tɔ ɡbemɡbe laa ta warɛ.

Nehemia 1:3

Anee ba ŋɔ n be ŋɔ, “Banɔ la baa laɡ ba laa ta kaa bojaŋ harɛ ta la balɔ. Ba lɔ wahala ne sihiih ta. Danjwɛɛ waa bar Jerusalam la kuuɡo, asɛ bwɛɛ la doonyojen ɡbeni la ɡe, ba fuah a ɛ tɔɔ.”

Sɛɡla 16:32

Bambile dɔe wer ɡwaa banyoo tenten, he jemɛ he te lawa aa, a ɡwaa kɛŋɔ haa yoa lɛ bwɛbir.

Sɛɡla 19:18

Kah he bii, ba nɛɛ he dɔ hwɛɡa kerekere, dɛ ɡɛ laa aa, hɛɛ ɡeloo ba chɔɡ.

Sɛɡla 19:19

Nɛn o baah aa dɛ di kohona dɔ wa aa, bɛ on lɛ, ɡel a noo, ɡɛ laa aa hɛɛ teŋɔɔ dɛɛ lɛo.

Sɛɡla 22:24

He ne nɛn o baah aa dɛ di kohona bɛ darame di. He ne nɛn o baah aa wola biɡri dii bɛ pɛ,

1 Samoɛl 20:30

Ate, Kooro Sɔɔl baah di Jonatan nɛ dɛ ŋɔ o be ŋɔ, “Bie o nya deŋne aa kpeɡa o waa aa wola kasinteŋ dɔe kohona! N nao kɛŋɔ he ne Jese bibaa bwa nyoa pɛo dɛ́ kpɔ sihiih kpo he ɡbaɡba ne he nya.

1 Samoɛl 25:17

Kpɔ ɡɛ waa nɔ liire, dɛ́ na ɡɛ haa dɛ ba wona ɛ, dɛkalkɛŋɔ wenaale dɛ ba n nomoa Nabal ne o dem tena bwa nɛ. O bambile kpeɡri kɛŋɔ nɛn bol waa ó no a mun.”