Sɛɡla 25:25 - mzwDBL

²⁵ Gɛ he yon no amanesoma le bojaŋ a do he som la, ɡɛɛ nesɔn aa dɛ kpo nyɔɡre la ɡe do.

Sɛɡla 25:25 ပူးပေါင်းရင်းမြစ်များ

Sɛɡla 15:30

Dɔŋa be mama dɛ́ ba silɛɛ ne, asɛ amanesoma ɡe ɛɛ ba bokpeɡa ne.

Tɔn Pɔɔl Aa Chwerɛ Rom Tena 10:15

Dɛ Korowii ta nɛn tomaa, ɛrɛɛ wɛɛ ba ɛɛ dɛ bol o waa laɔ? Anee kɛŋɔ Korowii Tɔn aa ŋɔa la. O bolɔ ŋɔ, “Hé na ɡɛ toroma baa kpoŋe Amanesoma dɛɛ valɛ la, hé no ba bala wa aa, he bambile ɛɛ sɔɔh heyaa taeh!”

Yela 63:1

N Naa Korowii maa dɛ tomɛ, n pɛla dɔe sibeɡra ne, n bambile lawɛ kɛ nyɔɡre aa dɛ kpo nɛn, wɛɛ nyin nee dɛ nyɔ, pua hɛŋle ɡbo harɛ ta, bela nee aa wola toole.

Wepila 21:6

Asɛ dɛ ŋɔ, “A tonɔ! Menee komɛlbwa Sitɔɔ ne a Muŋkaa, menee wobɛlbwa Mumpar ne a Jaɡa. Dɛ nomɛlbwa dɛ wi nyɔɡre aa, mɛɛ ɡeloo o la bela mkpa nee aa bula dɛɛ le, dɛ́ ka nyɔ ane pɛɛpɛɛ.

Neehum 1:15

Hé ha sie nyiŋi bwejena dor! Nɛn waa kpoŋe amanesoma dɛ valɛ bela, dɛɛ bol deŋnesɔɔhna wa. Juda tena, hé di he tɔpejena la, dɛ́ kpɔ kwaa haa baɡɛ Korowii nyoa la ba tɛo. Nyubinikpeɡ tena aa heyaa ba yo he harɛ ta kpa. Mɛɛ chɔɡ ba bwaa kwaraa.

1 Timoti 1:15

Waa nɔ ɛ kasinteŋ aa chɛ kɛŋɔ hé lɛa kɛŋɔ wechɔɡ-ɛɛra waa Yeesu Kristo koh ba harɛ nɔ ta dɛ ba lɛɛ ba. N wechɔɡaa kana ɡwaa nomɛlbwa kwa.

Amanesoma Jɔn Aa Chwera Tɔn 7:37

Ba Kukure tɔpera la dii ta tɔpere waa baa ka mun dɛ ɛ tɔpejen tenten la, Yeesu iro che dɛ kpɔ takpeɡ ŋɔ, “Nomɛlbwa nyɔɡre aa dɛ kpoo la, ó ba n be ń tɛo nee ó nyɔ.

Jeremia 18:14

Lɛbanɔn dombwea bwa won mwɛɛla le o bwejena dor kwaraa naa? Lɛbanɔn bwejena neerare aa sɔna dɛ palɛ dɛɛ le a ta la ɛɛ won ɡel pala aa?

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”

2 Samoɛl 23:15

Nyɔɡre dɛ kpo Kooro Devid, asɛ o ŋɔ, “N dɛ nyin nomɛl fe aa kaa dɔ nee kɔlɔŋ waa chɔa bɛne Bɛtlɛham doonyojen la ta ba tɛ mɛ ń nyɔ!”

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

Kaala 17:6

Mɛɛ ka che bwe bɛl jwɛɛh Sinai Bwejen ta belaa dɛɛ kpa heya. Dɛ he tel belaa, kpɔ daŋɡbala la lɔ bwe la, nee ɛɛ le o taa ba, ásɛ nɛra la dɔ nyɔ.” Asɛ Mosis ɡe ɛ ɡɛ waa nɔ bwa Israel nomonome la siwi ta.

Sɛɡla 25:26

Dɛ nɛn o wa aa toɡra kpɔ o te tɛ wechɔɡ-ɛɛraa, a do kɛŋɔ haa kpɔ doŋa do nee waa pala baa kaa ta ken.

Mumpar 45:27

Kɛ baa bol waa Josef aa bol ba be baɡlo o no, dɛ na kwaa aa dɔ tɔre baa taɡa kɛ torɔɡo ba vɔwa pɛl jaɡre, Josef aa kpɔa tɛɛ ba ŋɔ bá kpɔ ba kpɔɔ ba Ijipt la, o berɔ wɛr.

Josua 22:33

Israel tena kabora aa no waa la la, ba sie lɛo dɛ kpɛɛ Korowii. Ba ta berɛ lii kɛŋɔ baa vɔrɔwe laa, dɛ́ ka chɔɡ harɛ Rubin ne Gad deene aa soɡe o ta laanee kpa.