Sɛɡla 25:2 - mzwDBL

² Ya kpɔ duure dɛɛ tɛ Korowii sɔeh waa kpɔ waane sɔh yaa, ɡɛɛ koranar ɡe dɔ duure pila baa pili waa dɛɛ nyiŋi a bini.

Sɛɡla 25:2 ပူးပေါင်းရင်းမြစ်များ

Mmarare 29:29

Waane lole Korowii yaa dɛ tomɔ aa wola yaa baɡlɛ dɛ kpɔ sɔh yaa, kɛ o pili o Mmara waa bini ásɛ ya ne ya naanar baa ka ba la ɛɛ teŋɛ a ta saŋ bɛlbwa dɛɛ la.”

Job Tɔn 42:3

He bɔɔ mɛ ŋɔ, ‘Umee hen hɛɛ tɔŋle n waa wobol aa wola mun dɔe ne nɔɔ?’ Kasinteŋ, n bol waa maa wola a mun no, waa aa ɛ nyokpoa kohona, maa wola a mun jemɛ.

Job Tɔn 38:4

Maa ta harɛ dɛ ɡel o ba che o chebɔr, dɛ leperaa he doɔ? He jemaa, he baɡ mɛ.

Job Tɔn 29:16

N do kɛŋɔ mɛɛ dɛ tɛ nyaara, dɛɛ cha hɔɔhra ba wa aa lɔ kɔɔto.

Ɛsra 4:15

ásɛ he nyiŋi koranar baa tɔ he sie di kara la tɔne bini, hɛɛ nao kɛŋɔ Jerusalam ɛ deŋnekpeɡ tena bwɛ, dɛɛ ha ba koranar ne harɛ nomonome. Deŋnekpeɡ tena lɔ o ta le saŋ la bwa. A waa o fa chɔɡ la.

Ɛsra 4:19

N le nɛra ŋɔ bá nyiŋi tɔne bini, asɛ ba na kɛŋɔ, le saŋ la bwaa Jerusalam tena le dɛ le ba koranar habɔɔ, a che a ta deŋnekpeɡ ne wesaɡasaɡare su o ta.

Job Tɔn 40:2

“Umee hen hɛɛ tɔŋle Men Kpeɡri Bwa Dɔɔ rɔ? Dɛ ɡɛɛ yaa, amɔ te chaŋ mɛ.”

Ɛsra 5:17

N naa kooro, dɛ he sie lɛo waa, ɡel ba nyiŋi koranar tɔne bini bwɛjen Babelɔn, dɛ́ na kɛŋɔ Koojen Saeros tɛ ŋwɛnɛ ŋɔ bá kwaa ma Korowii Dea nɔ Jerusalam kɛɛ o ta ŋɔe, ásɛ dɛ ɡel ya jemɛ he liire aa lɔ waa nɔ ta.”

Ɛsra 6:1

Koojen Dareɔs do mmara ŋɔ, bá nyiŋi koranar tɔne baa kpɔa cheɡ Babelɔn la bini.

Sɛɡla 25:3

Gɛ haa wola won jemɛ nyundua jaŋne, ne harɛ bini luŋri la, ɡɛɛ haa wola won jemɛ kooro liire.

Mmarare 29:28

Bandia kohona nee Korowii ir ba le ba harɛ ta, dɛ ba taɡ ba ta hɔɔhra harɛ ta, ba ta do bela ba le fini la.’

2 Samoɛl 1:5

Anee Devid bɔɔ bonɔɔ la ŋɔ, “Ɛrɛɛ he ɛ jemɛ kɛŋɔ Kooro Sɔɔl ne o bie Jonatan sewɔ ɔ?”

2 Samoɛl 14:19

Asɛ kooro la bɔɔ ŋɔ, “Joab nɔn toole waa nɔ ta naa?” Anee o ŋɔ, “N naa kooro, n ŋwɛɛ Korowii waa lole kɛŋɔ, nomɛlbwa aa won kpɔ waa aa ɛ kasinteŋ sɔeh. Kpelaa, he bonɔɔ Joab, onee chaɡ mɛ ɡɛ maa ɛ, ne anɔ la maa bol bwa.

Sɛɡla 25:27

Tooh kohona dii aa were, ɡɛɛ aa wola were kɛ he nyin sɔn kohona.

Wejereme 1:13

N siwi beɡrɔ kɛ ń jemɛ, dɛ le n te cheɡ dɛ hweli waa bwa nɛra aa dɛ ɛa harɛ nɔ ta. Na wekpeɡa Korowii aa kpɔa ba dawɛ ya nɛ!