Sɛɡla 25:12 - mzwDBL

¹² Nɛn waa dɛ no nɛn waa jemɛ waa wejaala la, a ɡwaa kwaa baa kpɔ suuɡaswɛm tenten ɛa.

Sɛɡla 25:12 ပူးပေါင်းရင်းမြစ်များ

2 Samoɛl 1:24

Israel haahna, hé wi Kooro Sɔɔl, a do kɛ waa kpɔ yaswɛm dɛɛɡe tɔ heya, dɛ kpɔ kwaa baa kpɔ suuɡaswɛm ɛa do heya.

Job Tɔn 28:17

Haa won kpɔ suuɡaswɛm kɛɛ diɡi maɡɔ, haa won kpɔ suuɡaswɛm koŋkwaare charɔ.

Job Tɔn 42:11

O dɔɔranar ne nimanar ne nimambii, dɛ nɛra ba fa aa jemɔ bwa ba o dem, ba ne o di kwaa dɛ lɛ ba sie. Ba bwɛɛlo dɛ larawe o bwara wenaale Korowii aa ɡela o na la wa, asɛ bɛlbwa tɛo suuɡa ne suuɡaswɛm noniseɡ.

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

Kaala 32:2

Asɛ Arɔn chaŋ ba ŋɔ, “He laa suuɡaswɛm deŋna kwaa he haahna ne bibaala dɛ bihaahna aa doa la bwa kpɔ ba tɛ mɛ.”

Kaala 35:22

Baala ne haahna bwa le ba bambile ta kpɔ suuɡaswɛm kwaa kɛŋɔ deŋna kwa, noniseɡa ne jɔɡrɔre bwa soo siwi ba. Ba bwa ɡɔɔra nyundua dɛ viiɡa men Korowii sie.

Sɛɡla 15:5

Gɛnee dɛɛ vɛh o mɛɛ wa, kɛ nɛn baa dɛ jao wɛɛ no la, dɛ jemɛ wa.

Sɛɡla 20:12

Deŋna nɛn aa kpɔa dɛɛ no waa nɔ, ne sibie waa dɛ na a ne nɔ, Korowiirii ta a bwa.

Sɛɡla 9:8

Bɛ nɛn waa dɛ ɛ nɛra sisawaa kasinteŋ di o ba haeh, di wejereme kasinteŋ, ásɛ o nyini.

Wejereme 7:5

Wejereme dɛ́ kaeh naa, no o be, ɡwaa kɛ ɡɛne aa dɛ ɡo yela dɛɛ kpɛɛre.

Ɛsekeɛl 16:12

N kpɔ noniseɡ do he mee ta, dɛ doe deŋna kwa, dɛ kpɔ kooɡbɛrɛ waa wera pii.

Matiu 12:35

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini.