Sɛɡla 24:28 - mzwDBL

²⁸ Bɛ waa haa wola he dɔŋ nɛɛ nae la danseɛ di, bɛ nyosone teŋe.

Sɛɡla 24:28 ပူးပေါင်းရင်းမြစ်များ

Job Tɔn 2:3

Ate, Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, dɛ laa o te dɛɛ kpɔ wechɔɡa ta. He ba n be ŋɔ n tɛɛ ŋwɛnɛ he ka chɔɡo, dɛ o ta waane ɛɛ, kɛ ane a bwa, o waa ta toɡrɔ.”

Yela 35:11

Nɛnchɔɡa teŋe nyosone dɛɛ dawɛ n nɛ, waa maa wola a waa jemɛ laanee baa bɔɔ mɛ.

Yela 35:7

N ta ban wobɛlbwa ɛɛ ba har mɛ bel, dɛ forɛ bɔluŋ, dɛ́ laɡ mɛ.

Yela 52:1

Nomonjen, ɛrɛɛ hɛɛ baɡle he te wechɔɡa ɛɛ ta nɔɔ? Korowii nyina waa dɛ nyin yaa, lole saŋ bɛlbwa.

Kaala 20:16

He bɛ dansewea dɛɛ di.

Kaala 23:1

Korowii berɔ ŋɔ Mosis be ŋɔ, “He bɛ waa haa wola a bini jemɛ kɛrɛdɛ kpɔ dɛɛ ɡaaɡe. He bɛ dansewea di cha nɛnchɔɡe.

Sɛɡla 14:5

Nɛn waa dɔ kasinteŋ la aa nyosone teŋe, nɛn waa dɛ di dansewea la, nyosone ɡboo o bwa.

Sɛɡla 19:5

He di dansewea aa, he dɛ dɔ deŋnetɛra, ɡɛɛ nyosonteŋni ɡe aa wola o bwara kpɔe kaa di.

Sɛɡla 19:9

Dansewea te dɛ́ dɔ deŋnetɛra, ɡɛɛ nyosonteŋni ɡe ɛɛ sewɛ.

Sɛɡla 21:28

Dansewea te dɛ sewɛ, asɛ nomɛlbwa waa dɛ no o be la ɡe sewɛ.

Sɛɡla 25:18

Nɛn waa di dansewea dɛɛ dawɛ o dɔŋ nɛɛ la, o do kɛŋɔ ɡuli kɛɛ kere kɛɛ hɛm waa nyɛɡa ken.

Sɛɡla 26:19

do kɛŋɔ nɛn waa dɛ neɡre o dɔŋ dɛ́ yon berɛ ŋɔ, hɛlaa wɛɛ hɛlɛ.

Lewi Dea Tena 19:11

He bɛ dɛɛ ŋwɛ. He bɛ nyosone dɛɛ teŋe. He bɛ dɔŋa dɛɛ neɡre.

Lewi Dea Tena 6:2

“Dɛ nomɛl kpɔ komɛl tɛ o dɔŋ ŋɔ o kpɔ cheɡ, asɛ naate neɡro dɛ kpɔ berɛ o kon kɛɛ dɛ ŋwɛo, kɛɛ dɛ faahro waa, o ɛ wechɔɡa dɛ jo n nɛ.

Lewi Dea Tena 6:3

Kɛɛ dɛ komɛl ɡe nyoɡrɔ o kpaah o ta kasinteŋ dii, kɛɛ dɛ ŋwɛɛ pɛɛpɛɛ waane ta, kɛɛ dɛ wechɔɡa aa do kɛŋɔ anɔ bini bɛlbwaa yoo,

Matiu 27:23

Anee Paelet bɔɔ ba ŋɔ, “Ɛrɛɛ yɔ? Bɔkwa wechɔɡaa o ɛɔ?” Ate, dɛ ba berɔ kwaa ŋɔ kohona ŋɔ, “Kpaaro pɛl daɡaɡre ta!”

Amanesoma Jɔn Aa Chwera Tɔn 15:25

Anɔ ɛ ɡɛ ásɛ waa baa chwera Korowii Tɔn bini la ɛ kpela kɛŋɔ, ‘Ba hah mɛ pɛɛ.’

Ɛfesos 4:25

Hé laa nyosone bɛlbwa laa kpɔ he waa ta, dɛɛ bol kasinteŋ dɛɛ tɛ dɔŋa, dɛkalkɛŋɔ he bwa pɛ bwadabii beŋkpoŋ ta dɛ ɛ beŋkpoŋ.

Kolosi 3:9

He bɛ nyosone teŋe dɛɛ tɛ dɔŋa, dɛkalkɛŋɔ he laa he dabene la ne o we-ɛɛla la bwa kpɔ he nɛ,

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.