Sɛɡla 24:20 - mzwDBL

²⁰ Wechɔɡ-ɛɛ ta hwɛɡa bɛlbwa dɔe kerekere, wobɛlbwa toole o sie dawɛ a ta.

Sɛɡla 24:20 ပူးပေါင်းရင်းမြစ်များ

Job Tɔn 15:31

Ba bɛ ba te neɡre dɛ́ kpɔ ba te dɛɛ dawɛ konsale ta, baa komɛlbwaa dɔ le a ta.

Job Tɔn 21:17

Korowii ɡelɔ nyubinikpeɡ tena piɡri dɛɛ sewaa? Wekpeɡa toolo dɛɛ ba ba nɛ aa? Korowii baah diu o tɛr nɛnchɔɡe deŋne bwa naa?

Yela 11:6

Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Yela 37:2

Baa biɡri hol kɛŋɔ kpɔɡa ken, dɛ́ piɡri serewe kɛŋɔ, kpɔɡlwɛɛ yon hol la.

Yela 9:17

Seo chɔ le dɛɛ kpa nyubinikpeɡ tena, banee harɛre nɛra baa vɛh hen Korowii toma la.

Sɛɡla 13:9

Nɛn o wa aa toɡra soɡa bini chaahnɔ kɛŋɔ bochaah ken, kɛ nɛnchɔɡe te do kɛŋɔ kandea waa dɛ dime.

Sɛɡla 17:20

Nɛnchɔɡe waa kpɔ waa dɛɛ perɛ, aa andɛɛɡa dɔ, ɡɛɛ nɛn o nyondoŋe aa bar o nyu la ɛɛ na wa.

Sɛɡla 20:20

He taah he nya kɛɛ he mɛɛ aa, he piɡro dɛɛ sewɛ kɛŋɔ kandea aa dima biro ta la.

Sɛɡla 21:4

Sisa we-ɛɛla ne mbarafo, ne wedoŋa bwa ɛ wechɔɡa.

Sɛɡla 23:18

Wedɛɛɡa ane chɔ le kerekere dɛ tɛɛ, he hwɛɡa aa pɛɛ ta bwa.

Aesaya 3:11

Wechɔɡ-ɛɛra bwɛɛlɛ! Aa do kpeɡrii tɛɛ ba taeh. Waa ba ɡbaɡba aa ɛa la kembɔree baa ba dɔe.

Matiu 25:8

Gɛna banue la ŋɔ wejerema la be ŋɔ, ‘Hé tɛ yaa he noo nɔ ane. Gɛ laa aa, ya kandere dɛ dirimi.’

Matiu 8:12

Ásɛ nɛra Korowii Kora la fe aa chɛ ba la, bá kpɔ ba ta biro ta, belaa wii ne weweele do.”

Tɔn Jud Aa Chwera 1:13

Ba do kɛ mpo nehɛma a nyoa aa kpeɡa kohona ken. Gɛ a yon dɛɛ vuuɡi, a fufuɡ doŋa ɛɛ le baŋ la, ɡɛɛ baa vuuɡi wa, ásɛ ba sihihwa ɛɛ le baŋ. Ba do kɛ weweela aa wola chebɔr beŋkpoŋ dɔe, baa wola hwɛɡa kpɔe dɛɛ do a nɛɛ dɛɛ valɛ jwaana la. Biro kpirikpirii Korowii kwaa ba cheɡ bá ka do bela saŋ bɛlbwa.