Sɛɡla 23:34 - mzwDBL

³⁴ He sie ɛɛ birii kɛŋɔ haa soɡe ɡbera ta vil sie ken, kɛɛ haa chɔ ɡbera bini nehɛma ɛɛ lɔ la ken.

Sɛɡla 23:34 ပူးပေါင်းရင်းမြစ်များ

2 Samoɛl 13:28

dɛ ŋɔ o bonɔɔna be ŋɔ, “Hé ɡel he sie do Amnɔn be ɡɛ saŋ waa nyɔ sen dɛ dɛɛ la, mɛɛ lɔ sie he bee, ásɛ he kpoo. Hé te bɛ ɔmɛ. Mɛɛ lɛ wobɛlbwaa dawɛ n nɛ. He bɛ ɔmɛ, dɛ́ che kiŋkiŋ.”

1 Koranar 16:9

Kooro Ɛla bonɔɔ bɛl baa dɛ yerɔ Simri, dɛ onee dɛɛ nyiŋi kooro kwaa aa do kɛŋɔ torɔɡore ba vɔwɛ dɛɛ pɛl jaɡre ane ta. O ɛ kooro dɔm. Dɛ Kooro Ɛla lɔ nomoa bɛl baa dɛ yerɔ Arsa dem dɛ nyɔ sen dɛɛ. Dɛ Aasaa dɛɛ nyiŋi koodem waa lɔ bwɛjen Tirsa ta.

Kaala 15:8

He nyoa peu ɡbo ɡelɔ mpo bini pere, dɛ che diɡ ne ɡal kɛŋɔ danjwɛ, o holɔ vile aa lɔ o baah ta chɔ pɛɛ.

Sɛɡla 23:33

Hɛɛ na musuwaa, ásɛ he liire ɛ sakaa.

Sɛɡla 23:35

Hɛɛ boloo ŋɔ, “Ba lɔ mɛ, kɛ ba ta men bol doe.” Dɛ berɛ ŋɔ, “Ba lɔɔ mɛ, kɛ maa jemɛ. Saŋ besoo mɛɛ ba ira dɛ́ ka nyin sen nyɔ jaɔ?”

Sɛɡla 31:4

Lɛmoɛl, a ta chɛ kɛŋɔ koranar nyɔ seŋkpeɡa, a ta chɛ kɛŋɔ ba pɛla do a ta.

Joel 1:5

Sennyɔdɛɛra, hé ɡel he sie chɔ harɛ hɛɛ wi, hɛɛ wi senfala wa, dɛkalkɛ ɡrepo nɔna baa harama dɛɛ ɛ sen la bwa chɔɡɔ.

Matiu 24:38

Gɛ saŋ nee la aa wola sui dɛ chɔɡ harɛ mɔɔ la, dɛ nɛra dɛ di kwaa dɛɛ lɛ ba sie, dɛɛ mo haahna, dɛɛ yalɛ jaranar. Ba lɔ ɡɛ waa nɔ ta dɛɛ ɛ dɛ ka tel ɡɛ saŋ Nowa aa jo daka la bini ɡel ba.

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,