Sɛɡla 23:22 - mzwDBL

²² Dɛɛ no he mɛɛ deŋna wa, onee lolɛ, he nya ɡe baa hwɛɛhraa, bɛ on nyiŋi vah.

Sɛɡla 23:22 ပူးပေါင်းရင်းမြစ်များ

Sɛɡla 30:17

Nɛn o siwi aa wola o mɛɛ tɔɡɛ wɛɛ mamɔ, dɛ berɛ nyiŋi o nya dɛɛ vah la, ɛɡreree dɛ́ foromi o sibie, ásɛ kokosakire di o ola.

Sɛɡla 1:8

N bie, no waa he mɛɛ aa dɛ doe a ta, bɛ waa he nya aa dɛ baɡle vɛh.

Sɛɡla 6:20

N bie, dɛɛ no waa he mɛɛ aa dɛ doe a ta. Bɛ waa he nya aa dɛ baɡle vɛh.

Mmarare 27:16

Ásɛ ba berɛ ŋɔ, ‘Nomɛlbwa waa wola o nya ne o mɛɛ duu la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Lewi Dea Tena 19:3

He bini bɛlbwa chɛ kɛ wɛ́ɛ duu o nya ne o mɛɛ, ásɛ dɛɛ di n Ona Tɔpera maa kpɔa tɛ heyaa la. Menee Korowii haa dɛ tom mɛ la.

Amanesoma Mak Aa Chwera Tɔn 7:10

Mosis Mmara la bini o ŋɔ, ‘Duu he nya ne he mɛɛ,’ dɛ, ‘Nomɛlbwa waa bol o nya ne o mɛɛ bwara wechɔɡe la, a chɛ kɛ ba kpoo.’

Sɛɡla 30:11

Nɛra bane dɛ taah ba mɛɛnanar, baa andɛɛɡa sweerɛ dɛɛ tɛ ba nyare.

Lewi Dea Tena 19:32

Hé kpɔ jirima dɛɛ tɛ nɛra baa hwɛɛhra, ásɛ dɛɛ duu ba, dɛ́ɛ duu men Korowii haa dɛ́ tom mɛ ɡe. Men Korowiirii bola.

Sɛɡla 15:20

Bechawejereme ɡelɔ o mɛɛ baŋa ɛɛ pa, kɛ biɡɛne te hah o nya, dɛɛ nyiŋi o nyubaah.