Sɛɡla 23:17 - mzwDBL

¹⁷ Bɛ wechɔɡ-ɛɛra bɔweela ɛ, ɡel Korowii duura swɛɛ he siwi saŋ bɛlbwa.

Sɛɡla 23:17 ပူးပေါင်းရင်းမြစ်များ

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Sɛɡla 15:16

He dɛ ɔmɛ Korowii dɛ dɔ kwaa tama, bɔ kɛŋɔ haa dɔ kwaa kohona dɛɛ dɔ wa.

Sɛɡla 24:1

Bɛ wechɔɡ-ɛɛra bɔweela ɛ, bɛ ɡel he pɛla lawɛ kɛ he ne baa pɛo.

Sɛɡla 24:19

Bɛ ɡel he baah di wechɔɡ-ɛɛra we-ɛɛla wa, bɛ ban bɔweela ɛ.

Sɛɡla 24:21

N bie, dɛɛ ɔmɛ Korowii ne he kooro, he ne nɛra baa dɛ ɛɛ ba deŋnekpeɡ bɛ pɛ dɛ́ ɛ beŋkpoŋ.

Sɛɡla 28:14

Nɛn waa dɛ ɔmɛ Korowii la, o na som, kɛ deŋnekpeɡ te ɛɛ ba na waa taeh.

Sɛɡla 3:31

Bɛ ɡel he sie beɡre nɛn waa dɛ nyin yoi kwaa ta, bɛ waa waa dɛ ɛ la ane ɛ.

Wejereme 5:6

Bɛ ɡel he nyoa wobol kaa he ne wechɔɡa ta, ásɛ dɛ ŋɔ sɔfo be ŋɔ, sibeɡra ta laa he baɡɛ nyoa. Bɛ ɡel Korowii baah di he nɛ he nyoa wobol wa, dɛ́ chɔɡ kwaa haa koah dɛ dɔ.

Wejereme 5:7

Deera kohona ne wobol kohona ta mun dɔe. Anomanta, a chɛ kɛ hɛɛ ɔmɛ Korowii.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

1 Pita 1:17

Korowii waa wola nɛn siebɔr nyiŋi dɛ bol waa dɛɛ pa bole la, onee he wi dɛɛ yerɔ he Mɛɛ la. Anomanta, hé kpɔ he te kɛ hɔɔhra he soɡa bini harɛ bonɔ, dɛɛ tɛo duure, dɛɛ ɔmɔ.