Sɛɡla 20:7 - mzwDBL

⁷ Nɛn o wa aa toɡra o bwara aa wola wechɔɡe bɛlbwa dɔe la, o seo habɔɔ, o bii dɛ na som.

Sɛɡla 20:7 ပူးပေါင်းရင်းမြစ်များ

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Yela 112:2

Naate bii ɛɛ di kpeɡri harɛ taa, ásɛ Korowii swee andɛɛɡa tɛ o naanar.

Yela 15:2

Naate waa dɛ teŋɛ Korowii waa ta dɛɛ ɛ waa aa toɡra, dɛɛ bol kasinteŋ o bambile bwa ne la,

Yela 26:1

N Naa Korowii, nyiŋi n waa bini dɛ́ pa mɛ bole, dɛkalkɛ n waa toɡrɔ, he nɛɛ n den kpɔ n te dawɛ.

Yela 26:11

Kɛ n te, n waa toɡrɔ, sune n nɛ, dɛ́ lɛɛ mɛ!

Yela 37:26

Ba won kwaa kɛɛ, dɛɛ kemɛ ba bala ja, ba bii ɛɛ dɔ andɛɛɡa.

Sɛɡla 13:22

Nɛra ba wa aa toɡra naanaree dɛɛ di ba kapɛrɛre, kɛ nɛnchɔɡa te kapɛrɛre dɛ kaa nɛra ba wa aa toɡra be.

Sɛɡla 14:2

Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Sɛɡla 14:26

Baa waa dɛ ɔmɛ Korowii bwara dɛ sɔɔhno. Wɛɛ kpɔ nɔnee tɔ o haah ne bii nɛ.

Sɛɡla 19:1

Nyaa o bwara aa wola wechɔɡe bɛlbwa dɔe la, ɡwaa nyosonteŋni waa ɡɛna.

Aesaya 33:15

Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.

Jeremia 32:39

Webeŋkpoŋ ɡboo mɛɛ ba kpɔe tɛɛ ba ba soɡa bini, a chɛ kɛ baa tɛ mɛ duure saŋ bɛlbwa, ba naanar ne ba ɡbaɡba wer doe wa.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.