Sɛɡla 20:22 - mzwDBL

²² Bɛ wechɔɡa kpɔ bɔ wechɔɡa kem, dɛɛ hwɛɡɛ Korowii nɛɛ o ɛ wobɛlbwa tɛɛ.

Sɛɡla 20:22 ပူးပေါင်းရင်းမြစ်များ

2 Samoɛl 16:12

Korowii ken ɛɛ na n suna maa dɛ di nɔɔ, dɛ́ kpɔ wedɛɛɡa ba chiɡ taahna aa dɛ ba n nɛɛ fini nɔ naa ta.”

Yela 27:14

A chɛ kɛ yá kpɔ ya te dawɛ hen Korowii nɛ, dɛ́ lawɛ bambile, dɛ́ che kiŋkiŋ, dɛ́ɛ nyiŋi he siwi ta.

Yela 37:34

Hɛ́ɛ hwɛɡɛ Korowii nɛ, dɛ́ɛ teŋɛ o Mmarare ta. Wɛɛ ɡeloo hé dɔ harɛ la ta so, dɛ́ doŋi nyubinikpeɡ tena la he siwi ta.

Yela 37:40

O kpɔ nɔn dɛɛ tɔ ba nɛ, dɛɛ lɛɛ ba, o lɛɛ ba dɛɛ le nyubinikpeɡ tena nɔn ta, dɛkalkɛ, onee ba chwa kaa marɛ.

Sɛɡla 17:13

He kpɔ wechɔɡa dɛɛ bɔ wedɛɛɡa kem aa, wechɔɡa aa he demii paŋɛ bwa.

Sɛɡla 19:11

Wejeremee won bambile lawa, o dɛ dɔ jirima waa kpɔe dɛ́ kɛ ta.

Sɛɡla 20:21

Dɛ he ta koɛh dɛ dɔ he te mumpar aa, a habɔɔ la, aa hen kɛrɛdɛ chiɡ.

Sɛɡla 24:29

Bɛ ba lii ŋɔ, “Gɛ waa ɛɛ mɛ la, n ɡee ɛo anee, kɛɛ mɛɛ tɔɔ a welee.”

Aesaya 40:31

Kɛ nɛra baa dɔ hwɛɡa Korowii nɛɛ la te ɛɛ dɔ bokpeɡfalaa. Wɛɛ ɡeloo bá dɔ kena, dɛ́ ir kɛŋɔ kee ken. Baa chwao, kɛ baa koh bwa, dɛ́ valɛ baa ɡwɛɡre bwa ɡe.

Lewi Dea Tena 19:18

Bɛ he dɔŋ wechɔɡa waa ɛa la kpɔ do he bambile bini dɛ́ ɡe bɔɔ a kem. Hɛ́ɛ nyin dɔŋa kɛ he ɡbaɡba. Men Korowiirii bola.

Matiu 5:39

Kɛ taraken te n ŋɔ, dɛ nomɛl ɛɛ wechɔɡa aa, bɛ wechɔɡa kpɔ bɔɔ kem. Dɛ nomɛlbwa kpaa he diɡ lwɛɛma aa, berɛ ɡal lwɛɛma la ɡe tɛo ó kpaa ja.

Mmarare 32:35

Korowii ɛɛ tɔ a peɡee, wɛɛ bɔ ba a kemee. Saŋ bɛl dɛ ba ba chole, ba chɔɡa tɔpere dɛ tel.

1 Tesalonika 5:15

Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.

1 Pita 4:19

Anomanta, he nɛra aa ɛ Korowii tetoora kɛ he na wahala la, hɛ́ɛ ɛ wedɛɛɡa, dɛ kpɔ he te do Korowii waa ta heyaa la nɔn ta. O waa dɔ kasinteŋ.

1 Samoɛl 25:13

Devid ŋɔ o nɛra la be ŋɔ, “Hé kpɔ he keri.” Asɛ ba kpɔ ba keri sɛɡle ba te, Devid ɡe kpɔ o kon. Laa tena dɛ ɛ lafraanaarɛɛ ja Devid nɛ o ne ba kaa, asɛ lafraanɛ te ka ba ne nɛra baa dɛ nyiŋi laala ta la be.