Sɛɡla 20:16 - mzwDBL

¹⁶ Nomɛl di hɔɔh ajinamuu he be naa, lɛ o yal cheɡ, dɛ naate ta he bini bɛl ɛɛ yaa, lɛ o komɛl cheɡ awɔba.

Sɛɡla 20:16 ပူးပေါင်းရင်းမြစ်များ

Sɛɡla 11:15

Haa nɛn jemɛ aa, haa o habɔɔ che kem ta. Haa on ajinamuu di. He vɛoh bɔ kɛŋɔ haa kpɔ he te do a ta.

Sɛɡla 2:16

Wejemaa dɛ won lɛɛ le hanjwamane nɔn ta, haah waa kpɔ wobosoma kaa he ne wechɔɡa ta.

Sɛɡla 20:15

Dɛ he jemɛ waa haa dɛ bol aa, he dɔ kon ɡwaa suuɡaswɛm ne suuɡapoŋ.

Sɛɡla 20:17

He kpɔ neɡra ŋwɛnɛ lɛ kwaa di aa, a som, kɛ a habɔɔ la, a dɛ do kpeli he nyoa bini.

Sɛɡla 23:27

Hanjwamane do kɛŋɔ bel, haah waa le o jaa habɔɔ do kɛŋɔ bɔluŋ.

Sɛɡla 27:13

Lɛ nɛn waa cheɡɛ hɔɔh kem nyoa la yal bil, dɛ o di haah waa wola he bini bɛl ɛɛ ajinamuu aa, lɛ o yal bil.

Sɛɡla 5:3

Hanjwamane nyoa wobol som kɛŋɔ tooh ken, o taa pwɛre ɡwaa no,

Sɛɡla 6:1

N bie, a balɔ kɛŋɔ he di ajinamuu tɛ he dɔŋ, dɛ he baɡɛ nyoa waane ta tɛ nomɛl aa,

Sɛɡla 7:10

Ate, haah la kpɔ o te dɛ ba cheme bonɔɔ la, dɛ haah la do jwamanlaala dɛɛ taaɡe sie.

Sɛɡla 7:5

Aa lawɛɛ le hanjwamane, ne nomɛl haah o nyoa wobol aa soma nɛ.