Sɛɡla 20:11 - mzwDBL

¹¹ Bechala we-ɛɛla taa ba che dɛɛ jemɛ kɛ o ɛ bechadɛɛɡe.

Sɛɡla 20:11 ပူးပေါင်းရင်းမြစ်များ

2 Webena 34:3

Kooro Josia aa di kora bene anuatoro la, dɛ o ta ɛ bonɔmbi, asɛ o pa mun dɛɛ tomɛ Korowii o nabaa Kooro Devid aa tomɔ la. Bene fi dɛ anɛ ta la, o pa mun dɛɛ chɔɡ bela Juda harɛ ne Jerusalam tena aa dɛ tomɛ voɡa, ne voɡ Asera dajaŋa ne voɡare baa sɛah ne anɔ la bwa aa jaa.

Yela 51:5

N lola saŋ bwaa n le ɛ wechɔɡa, hale saŋ n nya aa kpoŋe n tea.

Yela 58:3

Wechɔɡ-ɛɛra dɛ ɛ wechɔɡa ba soɡa bini bwa, dɛ le awola baa lol ba, dɛɛ teŋe nyosone.

Sɛɡla 20:12

Deŋna nɛn aa kpɔa dɛɛ no waa nɔ, ne sibie waa dɛ na a ne nɔ, Korowiirii ta a bwa.

Sɛɡla 21:8

Nɛn waa di waa ane bolchɔɡe la, o wobɛlbwa aa toɡre, kɛ nɛn waa di bole la soɡa bini toɡrɔ.

Sɛɡla 22:15

Gɛnewa lɔ bechala bɛlbwa bambile ta, kɛ dɛ he kpɔ chweema toɡro waa, o dɛ jemɛ wa.

Matiu 7:16

Ba we-ɛɛla taa hɛɛ ba cheɡa dɛ́ jem ba. Kpeele aa won nɔnɛ kɛɛ, ɡɛɛ sɔɔh daa ɡe aa wola won nɔnɛ fiɡ nɔna.

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

Amanesoma Luk Aa Chwera Tɔn 1:66

Nomɛlbwa waa no waa nɔ la, o liira o nyu bini ŋɔ, “Ɛrɛɛ ɡɛ bie nɔ ɛɛ ba doe yɔ?” Ba nao kɛŋɔ Korowii teŋɛ bie la nɛ.