20 Anomanta, teŋɛ nɛndɛɛɡe luɡe ta, ásɛ dɛ so kɛ nɛn o wa aa toɡra.
Hé le n nɛɛ kaa, wechɔɡ-ɛɛra, ásɛ n won dɛɛ teŋɛ waa Korowii maa dɛ tomɔ aa do mɛ ta!
N kpɔ nomɛlbwa waa dɛ tomɛ la ɛ n dam, nɛra baa dɛ teŋɛ he Mmarare ta bwa.
Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.
N baɡle wejema, n kpɔe cheɡ ŋwɛnɛdɛɛɡe haa kpɔ o ta dɛ́ so.
Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.
Waa aa toɡraa mɛɛ ɛ, dɛɛ teŋɛ kasinteŋ ta,
Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’
Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.
N dandɛɛɡe, bɛ nɛra baa dɛ ɛ wechɔɡa la nɛɛ teŋɛ. Kɛ dɛɛ teŋɛ nɛra baa dɛ ɛ wedɛɛɡa la nɛ. Banɔ la baa dɛ ɛ wedɛɛɡa la ɛ Korowii bilola. Nomɛlbwa ɡe waa dɛ ɛ wechɔɡa la aa Korowii jemɛ.