Sɛɡla 2:1 - mzwDBL

¹ N bie, dɛ he no waa maa bola dɛɛ baɡle, dɛɛ do liire n waa ta,

Sɛɡla 2:1 ပူးပေါင်းရင်းမြစ်များ

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Yela 90:12

Gel yá jemɛ ya tɔpera nyoa, ásɛ ya won jemɛ wa.

Sɛɡla 1:3

Aa che sɛɡla nɔ taa nɛra won jemɛ wa, dɛ́ won ba te lawa dɛ́ dɔ dadɛɛɡe, dɛɛ ɛ waa aa wera ne kasinteŋ, dɛ waa aa toɡra.

Sɛɡla 28:7

Biwejeremee dɛɛ teŋɛ Mmara ta, kɛ onɔ la o ne nɛnsale aa dɛ valɛ la te, kpɔ sihiih dɛɛ kpo o mɛɛ.

Sɛɡla 3:1

N bie, bɛ waa maa baɡle nɔ soh, ɡel he liire do waa maa ŋɔa hɛɛ ɛ ta,

Sɛɡla 4:1

N bii, hɛɛ no waa he mɛɛ aa dɛ baɡle, hé cheɡ deŋne dɛɛ no, ásɛ dɛɛ no waa mun.

Sɛɡla 4:10

N bie, no n be, dɛ́ do sie a ta kɛrɛdɛ, ásɛ dɛ dɔ mkpajaŋ.

Sɛɡla 6:21

Kpɔa ɛ kɛŋɔ baŋa kon, ɡel a ɛ he bambile wa.

Sɛɡla 7:1

N bie, dɛɛ teŋɛ n waa ta, dɛ́ɛ do liire waa maa dɛ doe a ta la ta.

Sɛɡla 8:1

Hɛɛ no, wejema do kɛŋɔ haah dɛɛ yerɛ, o do kɛŋɔ nɛn waa dɔ liire, dɛɛ no waa mun, o taa che chiŋ.

Sɛɡla 9:1

Wejema do kɛ haah waa ma o dem, asɛ dɛ ɛ pilare anuanɛ do o ta.

Matiu 13:44

Yeesu berɔ ŋɔ, “Korowii Kora la waa ane ɡee la ja. A do kɛŋɔ baa bɛl aa kaa kpaah kondɔɔh kwaane baa kpɔa sɔh harɛ bɛl ta. Asɛ o ɡe berɛ kwaa sɔh dɛ kpɔ kwaa la silɛɛ, dɛ ka yoɡ komɛlbwa waa dɔa, dɛ kpɔ suuɡa la ka yawɛ a ɡɛ harɛ la.

Amanesoma Luk Aa Chwera Tɔn 2:19

Asɛ Mɛɛre kpɔ waa la bwa do o nyu bini dɛɛ kari.

Amanesoma Luk Aa Chwera Tɔn 2:51

Belaa Yeesu ir ba chiɡ ŋwɛnɛ ta dɛ kaa Nasarɛt. Waa lɔ o nya ne o mɛɛ be la, dɛ o dɛ no ba deŋna wa. O nya kpɔ waa la bwa do o nyu bini dɛɛ kara.

Amanesoma Luk Aa Chwera Tɔn 9:44

“Hé cheɡ deŋne dɛ́ no waa nɔ maa dɛ ba he be bola nɔ, ásɛ dɛ bɛ soh! Ba dɛ ba Men Nɛn Bie lee do nɛra nɔn ta.”

Mmarare 30:13

Kɛɛ mpo baŋ ásɛ he bɔɔ ŋɔ, ‘Umee dɛ́ ka kpɔ ba tɛ yaa ásɛ ya teŋɛ a ta nɔ?’

1 Timoti 1:15

Waa nɔ ɛ kasinteŋ aa chɛ kɛŋɔ hé lɛa kɛŋɔ wechɔɡ-ɛɛra waa Yeesu Kristo koh ba harɛ nɔ ta dɛ ba lɛɛ ba. N wechɔɡaa kana ɡwaa nomɛlbwa kwa.