Sɛɡla 19:27 - mzwDBL

²⁷ N bie, he dɛ vɛh waa baa dɛ doe a ta hwela aa, hɛɛ le wejema ŋwɛnɛ taa.

Sɛɡla 19:27 ပူးပေါင်းရင်းမြစ်များ

2 Samoɛl 13:5

Ate, Jonadab ŋɔ o be ŋɔ, “Saah ka chɔ mpa ta kɛŋɔ he bwara dɛ wee ken. He mɛɛ balɔ ba nae naa, he ŋɔ o be ŋɔ, ‘N dɛ́ soŋe, yerɛ n nimambihaah ó ba tɛ mɛ kondikwa ń di. Ó ba daa kondikwaa la n siwi ta bonɔ, dɛ́ kpɔ tɛ mɛ ń di.’ ”

2 Webena 10:10

O bala o ne baa ira la chaŋe ŋɔ, “Waa aa chɛ kɛ he bol ba be laanee kɛŋɔ, n nonikekela kwaraa bare ɡwaa n mɛɛ chara.

Sɛɡla 14:7

Laa he te kpɔ ɡɛne nɛ, waa won baɡle wobɛlbwa.

Sɛɡla 19:26

Bechala waa dɛ fiiɡi o mɛɛ, dɛ doŋi o nya dɛɛ le dem la, o ɛ sihihbie.

Sɛɡla 19:28

Dansewea tee kpɔ o dɔŋ kasinteŋ waa dɛɛ hɛlɛ, ɡɛɛ wechɔɡa ɛɛ do wechɔɡ-ɛɛ som kɛ kondikwa.

Jeremia 27:9

Anomanta, he bɛ he keamere kɛɛ nɛra baa dɛ lii kɛŋɔ baa won baɡle waa aa dɛ ba wona chiɡ kerekere, dɛ che deera kɛɛ lala yera kɛɛ dobodobo we-ɛɛla ta be dɛɛ no. Ba bwa dɛ bol he be ŋɔ he bɛ he te kpɔ do Babelɔn Kooro Nebukadnesa lɔɡa.

Matiu 16:12

Name o habɔteŋra la ta no waa la mun kɛ iisi baa kpɔa dɛɛ ɛ paanoo waa laa wɛɛ ja ba la, kɛ Farisii tena ne Saduki tena webaɡla la taa wɛɛ ja ba.

Matiu 16:6

Anee Yeesu ŋɔ ba be ŋɔ, “Hɛ́ɛ nyiŋi he te kɛrɛdɛ Farisii tena ne Saduki tena iisi wa.”

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

Amanesoma Mak Aa Chwera Tɔn 4:24

Yeesu bolɔ ŋɔ, “Hé pese waa nɔ haa noa nɔ kɛrɛdɛ, dɛkalkɛŋɔ kpelaa ba ŋɔ, ‘Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe la, dɛ́ berɛ jae ane.’

Amanesoma Jɔn Aa Chwera Tɔn 10:5

Aa nɛŋhɔɔh nɛɛ teŋɛ bwa. Aa chwao, dɛkalkɛ aa nɛŋhɔɔhra taa jemɛ.”

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

1 Timoti 4:7

Laa he te kpɔ wobosale aa wola Korowii waa ɛɛ nɛra ɛɛ nyin a bola la ta, dɛ swɛɛ siwi hweli ɡɛ haa dɛɛ teŋɛ Korowii waa la ta.

1 Jɔn 4:1

Yabala, he bɛ nɛra baa ŋɔa ba dɔ Korowii Domadɛɛɡe la, dɛ che o ta dɛɛ baɡle waa la dɛɛ yarada warawara. Hé pese ba, dɛ́ na kɛŋɔ kpeɡri baa dɔa la le Korowii Domadɛɛɡe la be kɛɛ? Dɛkalkɛŋɔ nɛra baa dɛ neɡre nɛra kɛŋɔ ba ɛ Korowii keamere ba harɛ nɔ ta bobɛlbwa pirim.

2 Jɔn 1:10

Dɛ nomɛlbwa ba he be dɛ baa baɡle heyaa anɔ la aa wola Yeesu Kristo waa la ane ɛɛ yaa, he bɛ naate lɛ so he be, he bɛ o sie kwara lɛ.

Wepila 2:2

N jemɛ he toma haa ɛa, ne he koeh, ne he bambile haa lawa, dɛ jemɛ kɛŋɔ haa nɛnchɔɡa waa nyin. He fa kari nɛra ba fa aa dɛ yerɛ ba te n toroma la, dɛ na kɛŋɔ ba ta n toroma ɛɛ, dɛ na kɛŋɔ ba ɛ nyosonteŋna.