Sɛɡla 19:21 - mzwDBL

²¹ Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Sɛɡla 19:21 ပူးပေါင်းရင်းမြစ်များ

Mumpar 50:20

He te la, he lii n ne wechɔɡa, kɛ Korowii ɡelɔ a berɛ wedɛɛɡa, ɡɛ aa ɛ ó won lɛ nɛndamanta mkpa ɡɛ waa ɛa fini nɔ.

2 Samoɛl 17:14

Belaa Absalɔm ne Israel tena la bwa ŋɔ, “Husai waa ɛ Aaki te waa waa dɛ baɡle la ɡwaa anɔ la Ahetofɛl aa bola la.” Korowii ɡbabirii ɛa kɛŋɔ wedɛɛɡa Ahetofɛl aa bola la, ba bɛ a ta teŋɛ, ásɛ a ba wenaale ne ba ta Absalɔm nɛ.

Ɛsta 9:25

Ɛsta aa la Kooro Sɛksɛs be dɛ ŋɔ Heeman vɔrɔwe Juu tena vɔrɔwa dɛ́ fee kpoo ba la, kooro do mmara dɛ ɡel Heeman liichɔɡa waa liira la ɡure o ɡbaɡba nyu ta, asɛ ba saɡɛ o ne o bibaala fi la.

Job Tɔn 23:13

Korowii te, ɡɛ waa doa o den do, nomɛlbwa aa won beɡre waa do o nyoa, anɔ la waa dɛ nyinii wɛɛ ɛ.

Yela 21:11

A lole kɛ ba chemo dɛ yon dɛɛ vɔrɔwe kooro vɔrɔwa, baa won ɛ wobɛlbwa dɛ́ pɔ o nɛ.

Yela 83:4

Ba ŋɔ, “Hé ba ya chɔɡ nɛra baa lɔ harɛ la ta, ásɛ Israel harɛ sɔn den nyoɡre kwaraa.”

Sɛɡla 12:2

Korowii tea dɛ to nɛndɛɛɡa nɛ, dɛɛ pa nɛra baa dɛ lii wechɔɡa bolchɔɡe.

Sɛɡla 16:1

Nɛwɛnyinii dɛɛ maɡle wa, asɛ Korowii ɛɛ baɡle ɡɛ haa bola a do wer.

Sɛɡla 16:9

Nɛn nyubini liire nee wɛɛ maɡle wa, kɛ Korowiirii dɛɛ baɡle waa waa ɛ.

Sɛɡla 19:22

Kɛrɛdɛ nɛn aa dɛ ɛ waa ba teŋɛ dɛɛ nyin o wa, nɛn nyao bɔ kɛŋɔ waa dɛ teŋe nyosone.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Wejereme 7:29

Waa aa teŋa nɔɔ n hweli le a ta, Korowii fe ta nɛwɛnyina bwa ba waa toɡre, kɛ ba berɔ kpɔ ŋwɛnɛfale ta dɛ chɔɡ ba te.”

Aesaya 14:24

Koranar Bwa Kooro ŋwɛɛrɔ ŋɔ, “Waa maa vɔrɔwa la, anee dɛɛ ba ɛɛ, anɔ la aa dawɛ n sie la ɡee mɛɛ ba ɛɛ.

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Jeremia 44:29

Anɔɔ ɛ waa dɛ́ baɡle kɛŋɔ bonɔɔ mɛɛ ba he deŋne tɛra, ásɛ he jemɛ kɛŋɔ kaeh maa dɛ kah heya ŋɔ mɛɛ chɔɡ heyaa la ɛ kasinteŋ.”

Ɛsekeɛl 20:32

He ɛ he liire kɛŋɔ he fee do ɡɛ harɛre nɛra bane aa doa, dɛɛ tomɛ voɡa baa kpɔ daa ne bwea ɛa. Aa ɡɛɛ maɡre.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.