Sɛɡla 19:12 - mzwDBL

¹² Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Sɛɡla 19:12 ပူးပေါင်းရင်းမြစ်များ

Mumpar 27:28

Kórowii pili nyundua dɛ́ nɛ bwaala, dɛ́ tɛɛ hɛɛra he konduula bwa do wer, he dɔ kondikwaa ne senfala kohona.

2 Samoɛl 23:4

do kɛŋɔ chɔɔlen wee yon dɛɛ chaah kohona kɛɛ bwaala yon nɛ tonɛ, wee pili mɛn do kpɔɡa ta dɛɛ nyɛɡle la.’

Ɛsta 1:12

Kooro bonɔɔna aa la o haah Vasti be la, o vɛh bala. Kooro aa noa la, o baah diu kɛrɛdɛ.

Ɛsta 7:8

Kooro aa bera dɛɛ jo koodem la, dɛ Heeman marɛ o haah karajaŋ waa yale o ta la ta, dɛɛ soŋo sibeɡra ne, anee kooro nyɛɡ ŋɔ, “Ei! Baa nɔ dɛ nyin kɛ ó paɡɛ n haah n siwi ta koodem bonɔ kwara!” Kooro nyoa ne chiɡa dɛ o bonɔɔna baa fɔɡɛ ba lure la kpɔ yal bɔle Heeman sie.

Yela 133:3

A wer kɛŋɔ mɛn aa le Hɛmɔn Bwejen ta, dɛɛ lee Saayɔn Bwejen doa ken. Belaa Korowii baɡɛ o nɛra nyoa ŋɔ, wɛɛ swee o nɛra andɛɛɡaa, bá dɔ mkpa saŋ bɛlbwa dɛɛ la.

Yela 72:6

Gel kooro do kɛŋɔ bwaala waa ɡela koo kwa ɛɛ do wer, dɛ́ do kɛŋɔ bwaala nee aa ɡela harɛ sɔɔh, dɛɛ do wer la ken.

Sɛɡla 20:2

Kooro bandia do kɛŋɔ nyujente aa dɛ si ken. Nomɛlbwa waa dɛ doo bwaawee la dɛ ta o nyu.

Sɛɡla 28:15

Nomonchɔɡe waa dɛ nyiŋi nɛŋɡwɛɡra la, o do kɛŋɔ nyujente kɛɛ sisire yon dɛɛ kɔɡre, dɛɛ nyin ola dɛ́ lawɛ la.

Wejereme 8:4

Kooro aa dɛ di kpeɡri nomanta, dɛ o bol waa, umee dɛ́ won tɔŋlo wɔ?

Aesaya 18:4

Korowii ŋɔ n be ŋɔ, “Mɛɛ so nyundua dɛ́ nyiŋi jeiih ken, kɛŋɔ wee aa lea bɔr wɔrɔbe, kɛɛ mɛne aa dɛ ta wee lɔ a ta aa nyɛɡle kwaa koma saŋ la.”

Daneɛl 5:19

Kpeɡri waa tɛo nomanta, dɛ nomɛlbwa ne harɛre ta nɛra ne wobol bɛlbwa tena dɛ ɔmɔ dɛɛ chel. Nɛra waa dɛ nyin ba kpoora la, o kpoo ba. Banɔ la waa wola ba kpoora nyin la, o ɡel ba. Nomɛlbwa waa dɛ nyin o ɡɔɔ o sɔn la, o dɛ ɛo ɡɛ. Nomɛlbwa waa dɛ nyin o ba o ne harɛ ɡe la, o dɛ ɛo ɡɛ.

Daneɛl 6:24

Ate, Kooro Dareɔs ɡel ba ka kpɔ nɛra baa haŋɛ Daneɛl nyoa la ba tɛo, asɛ o ɡel ba kpɔ ba ne ba haahna, ne bii bwa ka do nyujentena bɔɔ la bini. Baa wola bɔɔ la mun ta tele mɔɔ kwara la, dɛ nyujentena la toɡri ba bini, dɛ paɡre ba hoɡa bwa.

Hosia 14:5

Mɛɛ ɛo kɛŋɔ bwaala waa nɛ harɛ waa hola ta, dɛ́ tɛ Israel tena, ásɛ ba do kɛŋɔ kpɔɡa fee ken. Dɛ so kɛŋɔ daa lune aa kaa harɛ bini ken, kɛŋɔ peleme daa aa lɔ Lɛbanɔn harɛ ta ken.

Maeka 5:7

Israel tena baa ɛ Jekɔb naanar baa ka la ɛɛ doo kɛŋɔ mɛn aa le Korowii be, dɛ koo harɛre nɛra bini, kɛŋɔ bwaala aa wir kpɔɡa ta, aa wola nɛn siwi ta nyiŋi mɔɔ la.

Mmarare 33:28

Anomanta, Jekɔb naanar, bosɔɔhna taa hɛɛ ba soɡa. Harɛ mea ne sen aa lɔ o ta asɛ mɛn ɛɛ ta dɛɛ pwe harɛ la.