7 Gɛne wobolee dɛɛ chɔɡo, o nyoa dɛɛ doo waa ta.
He jemɛ he wobol nyiŋaa, he laa he te dɛɛ kpɔ waa ta, kɛ nɛra baa bol waa baa wola liire a ta do la, dɛ chɔɡ ba te.
Nɛnchɔɡe nyoa wobolee dɛɛ lawɔ, kɛ nɛn o wa aa toɡra te dɛ́ le wahala ta.
Wejereme dɛ hweli wa, dɛ kpɔ dɛɛ do o nyu bini, kɛ nɛn waa ɡɛna wobol te, dɛ ba waa ne.
Bɛ ɡel n dɔma won pɔ n nɛ, ɡel ba aahra baa dɛ aah mɛ ɡure ba nyu ta.
Wɛɛ ɡeloo ba vɔrɔwa la bwa ɡure ba nyu ta, ásɛ nɛra na ba dɛɛ viiɡi ba nyuune, dɛɛ mam ba.
amɔ dɛ he nyobaɡa la ɛ bel dɛ tɛɛ, waa haa bola la harɛ bel.
Wejereme dɛ́ no jae, kɛ nɛn waa dɛ bol ɡɛnewaa te waa dɛ ɛ pɛɛpɛɛ.
Waa na o bihaah la, o tea bini chɔɡɔ, o laa laala waa doa la kɛɛ dɛ do lɔŋɔ ŋɔ, “Aa, n bie! He ɡelɔ n loo ku! N baɡɛ Korowii nyoa maa wola won berɛ nyoa kpa.”
Nɛn ŋwala som, a do kɛŋɔ kondikonsoma aa dɛ jo tea.
Nɛnchɔɡe wechɔɡa do kɛŋɔ bel dɛ tɛo, o dichɔɡaa dɛɛ lawɔ.
Gɛne mbarafo wobol taa a che wɛɛ dɔ deŋnetɛra, asɛ wejereme wobol ɡe ɛɛ leo waa ta.
Wejema do kɛ bule dɛɛ tɛ wejereme mkpa, asɛ ɡɛne ɡe deŋnetɛra ɛɛ leo o ɡɛnewaa ta.
