Sɛɡla 18:23 - mzwDBL

²³ Nyaa dɛ bol wa aa, o kpɔ nɔɔra dawɛ dɔŋa nɛɛ dɛɛ soŋe, kondɔɔhnee dɛɛ chaŋe waa kpeɡri nɛ.

Sɛɡla 18:23 ပူးပေါင်းရင်းမြစ်များ

Mumpar 42:30

“Nomoa harɛ la wobɛlbwa aa lɔ o nɔn ta la nyɛɡ ya nɛɛ dɛ ɛ yaa kɛŋɔ nɛra yaa laŋa dɛ́ ka sɔh nyiŋi ba harɛ dɛ́ ɛɛ ba waane ken.”

Mumpar 42:7

Josef aa na ba la, dɛ o te deno jem ba, kɛ o ɛ o te kɛŋɔ waa ban jemɛ ken. Asɛ dɛ nyɛɡ ba nɛɛ ŋɔ, “Leperaa he leɔ?” Asɛ ba chaŋe ŋɔ, “Keenan harɛ taa ya le dɛɛ ba ba yawɛ boyu.”

1 Koranar 12:13

Kooro Rɛhoboam vɛh nomonome la jae baa jao la, dɛ kpɔ nyɛɡa bol waa nɛra la be.

2 Webena 10:13

Kooro Rɛhoboam vɛh nomonome la jae baa jao la, dɛ kpɔ nyɛɡa bol waa nɛra la be.

Job Tɔn 41:3

Wɛɛ teŋɔɔ dɛɛ soŋe wobopwɛra ne ŋɔ hé na o sum aa?

Kaala 5:2

Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

Sɛɡla 19:7

He nyao waa, he lolanar dɛ́ vɛɛh, n baa bol he daamanar wa. He dɔ waa dɛɛ nyin ba bɔr aa, haa ban na.

Sɛɡla 22:7

Gɛ suuɡate aa dɛ di kpeɡri nyaa nɛɛ la, ɡɛɛ nɛn waa di kem la ɛ nɛn waa kemɔ suuɡa la bonɔɔ.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Matiu 5:3

“Nɛra baa kpɔ ba te dawɛ Korowii nɛɛ kɛ nyaara la, ba na som, dɛkalkɛ banee dɛɛ ba Korowii Kora la koobii ɛɛ.

Jems 2:3

asɛ he tɛ onɔ la waa do suuɡaswɛm kwaa dɛ tɔ yadɛɛɡe la sobɔrdɛɛɡe, dɛ ŋɔ onɔ la waa tɔ yadoŋ la be ŋɔ, ó te che bela kɛɛ ó ba so harɛ he sie naa,

Jems 2:6

Kɛ he te lawɛ nyaara sie teɡɛ harɛ. Dɔɔhna laa dɛɛ fiiɡi heya, dɛ lawɛ heyaa kaa che kɔɔto la aa?

Rut Tɔn 2:7

O baa soŋ mɛ ŋɔ ń ɡel ó teŋɛ tom-ɛɛra nɔ nɛ, ásɛ dɛɛ kuuh anɔ la aa leera la. Chɔɔ bwaa o le ɛ toma asɛ dɛ baa onɛ pata bini tama la.”

1 Samoɛl 2:36

Ásɛ nomɛlbwa waa kaa he lolanar bini la ba ɡuŋi sɔfo la sie, dɛ́ soŋo suuɡa ne kondikwa. Dɛ berɛ soŋo ŋɔ ó kpɔɔ sɔfore toma ta, ásɛ o won dɔ kondikwaa dɛɛ di.”

1 Samoɛl 25:10

Belaa Nabal chaŋ ba ŋɔ, “Umee a ɡɛ Devid nɔɔ, Jese bie ɛ? O ɛ bonɔɔna baa chwaa dɛɛ le ba nomonome be tɔpera anɛ nɔ bini bɛl kɛɛ?

1 Samoɛl 25:17

Kpɔ ɡɛ waa nɔ liire, dɛ́ na ɡɛ haa dɛ ba wona ɛ, dɛkalkɛŋɔ wenaale dɛ ba n nomoa Nabal ne o dem tena bwa nɛ. O bambile kpeɡri kɛŋɔ nɛn bol waa ó no a mun.”