Sɛɡla 18:16 - mzwDBL

¹⁶ Koŋkɛɛla pili ŋwɛnɛ dɛɛ tɛ nɛn, a ɡelɔ wɛɛ jo nomonome bini.

Sɛɡla 18:16 ပူးပေါင်းရင်းမြစ်များ

Mumpar 32:20

Hé berɛ ɡel ó jemɛ kɛŋɔ o bonɔɔ Jekɔb ɡe lɔ habɔɔ dɛɛ ba. Dɛ ń tɔ sie, dɛ́ kpɔ koŋkɛɛla nɔ ba tɛɛ, ásɛ mɔɔ o tel he be. Ásɛ dɛ he nao waa, he ken ɛɛ kpɔɔ kɛɔ.”

Mumpar 33:10

Anee Jekɔb ɡe ŋɔ, “Akai, n dɛ soŋe dɛ he sie lɛ n nɛɛ tenaa he kpɔ. Taraken maa nae nɔ, a denɔ ɛɛ mɛ kɛŋɔ maa na Korowii ken.

Mumpar 43:11

Ba mɛɛ ɡe ŋɔ, “Dɛ ɡɛɛ tenaa, hé kpɔ ya harɛ nɔ ta kwaa kɛŋɔ, noo tama ne tooh tama ne konsɔɔhsoma, ne korobo ne daa nɔna aa dɔ pɛla do he pure bini ka tɛ nomoa la.

2 Koranar 5:5

Kooro la ŋɔ, “Ir, mɛɛ chwerɛ tɔnee tɛɛ he kpɔ ka tɛ Israel kooro.” Ate, Naaman ir kpɔ suuɡapoŋa a tɔɡre aa ɛ kilore lafraatoro fifraanaarɛ, ne suuɡaswɛm kaɡboŋa anumɛl, dɛ yadɛɛɡa bele fi.

Sɛɡla 17:8

Nɛn waa dɛ yawɛ nomɛl sen la, dɛ lii kɛŋɔ a ɛ ŋwɛnɛ bɛl waa kpɔ o ta dɛ vɔrɔwo. O dɛ lii kɛ ɡɛɛ dɛ́ ɡel o wobɛlbwa do wer tɛo.

Sɛɡla 18:17

Suune anɛ ta sie yaa, haa nyosom te jemɛ. Nɛn tɔ sie bɔ on koro aa, nɛra dɛ lii kɛ o waa toɡrɔ. Nemenɛ o dɔŋ baa baɡle o waa bini mɔɔ.

Sɛɡla 19:6

Nɛra ɡalɡa takapɔ kɛŋɔ ba waa ɛɛ lɛ nɛnjen sie, ɡɛɛ nomɛlbwa ɡe ɛ nɛn waa dɛ kɛ kwaa dam.

Sɛɡla 21:14

Dɛ nomɛl baah di he nɛ, he sɔh kpɔ kon kɛo waa, a ɡelɔ o baah ɛɛ sɔɔh.

1 Samoɛl 16:20

Anomanta, Jese kpɔ keeɡo, dɛ kpɔ paanoo ne oltɔn pur sen aa suu, ne bombie ja ŋɔ Devid kpɔ ka tɛ Kooro Sɔɔl.

1 Samoɛl 25:27

Koŋkɛɛla he tolo aa ba a ne nɔ, n dɛ soŋe kɛ he lɛa dɛ́ kpɔ tɛ he bonɔɔna baa dɛ teŋɛ he nɛɛ la.