Sɛɡla 18:12 - mzwDBL

¹² Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Sɛɡla 18:12 ပူးပေါင်းရင်းမြစ်များ

1 Koranar 3:7

N Naa Korowii maa dɛ tomɛ, he ɡelɔ men maa ɛ he bonɔɔ chiɡ n mɛɛ naa ta dɛɛ di kora. Kɛ n nɔn ta kao, maa n sie ne habɔɔ jemɛ.

Sɛɡla 11:2

Mbarafo dɛ ba sihiih ne, asɛ pwɛre doe ɡe ɛɛ ba wejema ne.

Sɛɡla 15:33

Nɛn waa dɛ ɔmɛ Korowii la dɛ jemɛ wa, he ta he te pwɛraa, haa jirima dɔ.

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Sɛɡla 29:23

He dɛ maŋkura he te naa, harɛɛ hɛɛ lɔ, kɛ he pwɛr he te naa, he dɛ dɔ duure.

Ɛsekeɛl 28:2

“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Ɛsekeɛl 28:9

Hɛɛ won ŋɔ he ɛ voɡ nɛra baa dɛ ba ba kpoe la be naa? Nɛwɛnyinii hen, he ta voɡ ɛɛ nɛra baa kpoe la nɔn ta.

Ɛsekeɛl 29:9

Ijipt harɛ bwa dɛ ba chɔɡa, dɛ́ chɔ pɛɛ, ásɛ ba jemɛ kɛŋɔ menee Korowii. Haa ŋɔa ŋɔ hen dɔ Nael Moo, henee ɛo la wa.

Daneɛl 9:20

N ta teŋɔ dɛɛ soŋe, dɛɛ bol n ne n nɛra Israel tena wechɔɡa wa, dɛ kpɔ bil Korowii maa dɛ tomɔ sie ŋɔ, ó berɛ kwaa o Dea waa do ɡoroŋ la cheɡ.

Daneɛl 9:23

Gɛ saŋ haa dena pa mun dɛɛ soŋe Korowii la, o no he wesoŋa la, asɛ n ŋɔ ń ba bol he be, dɛkalkɛ Korowii dɛ nyin he waa taeh. Anomanta, cheɡ deŋne kɛrɛdɛ no wepila maa dɛ ba a mun baɡla tɛɛ nɔ.

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”