Sɛɡla 17:17 - mzwDBL

¹⁷ Darame dɛ baɡle nyina saŋ bɛlbwa, asɛ lolanar ɡe do le tɛ dɔŋa chae waa ta.

Sɛɡla 17:17 ပူးပေါင်းရင်းမြစ်များ

Sɛɡla 18:24

Chamene tena kpɔe kohona dɛ chɔɡe, kɛ damsom bɛl ɡwaa lole.

1 Samoɛl 20:17

Jonatan ɡelɔ Devid berɛ kwaa baɡɛ nyoa kɛ wɛɛ dɛɛ nyin o waa kohonaa, dɛkalkɛŋɔ o dɛ nyin Devid waa kɛŋɔ o ɡbaɡba ken.

Sɛɡla 19:7

He nyao waa, he lolanar dɛ́ vɛɛh, n baa bol he daamanar wa. He dɔ waa dɛɛ nyin ba bɔr aa, haa ban na.

1 Samoɛl 18:3

Jonatan ne Devid vɔwɛ darame fɔo, dɛkalkɛŋɔ dɛ o dɛ nyin o waa kɛ o ɡbaɡba.

Hibru 2:11

Yeesuu laa nɛwɛnyini doŋa dɛɛ kpɔ ba nɛɛ dɛ ɡel ba ɛ Korowii nɛra. O ne nɛra waa laa doŋa dɛɛ kpɔ ba nɛɛ la bwa Mɛɛ beŋkpoŋ. A waa aa wola on sihiih ɛ kɛŋɔ o yer ba o nimanar la.

Rut Tɔn 1:16

Asɛ Rut chaŋo ŋɔ, “Bɛ n be ŋɔ n ɡele. Bobɛlbwa haa kaa ne bela haa so la, n ɡee so belaa. Mɛɛ kpɔ he nɛraa ɛ n nɛra, ásɛ Korowii haa dɛ tomɔ la, ń ɡee tomɔ.

Ɛsta 4:14

He tɔ nyoa he ta waane bolɛ taraken nɔ naa, Juu tena ɛɛ dɔ nomɛlee ó cha ba, kɛ he te ne he mɛɛ nɛra bwa ɛɛ serewoo. Dɛ ɡɛ waa nɔ waa he ɛ kooro haah taraken nɔ naa, he jemaa?”

2 Samoɛl 1:26

N wio dɛɛ tɛɛ, n nime Jonatan, dɛ n fa dɛ nyin he waa taeh. He nyina he fa aa dɔa tɛ mɛ dɔ nyokpoa, a ɡwaa ɡɛ haah naa dɛ nyin o bii kɛɛ o jaa kwara.

1 Samoɛl 23:16

Asɛ Kooro Sɔɔl bibaa Jonatan la Devid be Hɔrɛs, dɛ ka doo ɡbemba kɛŋɔ Kórowii kpɔ nɔn tɔ o nɛ.

1 Samoɛl 19:2

asɛ Jonatan kah Devid ŋɔ, “N mɛɛ dɛ nyin ŋwɛnɛ dɛ́ kpoe. Dɛɛ nyiŋi he te kɛrɛdɛ, kere chɔɔ nyin bobɛl waa sɔah dɛ́ chwa ka so bela.

2 Samoɛl 15:21

Anee Itai chaŋe kooro ŋɔ, “N ŋwɛɛ Korowii waa lole saŋ bɛlbwa ne n dɔɔ kooro o ta aa soɡe le kɛŋɔ, bobɛlbwa n dɔɔ kooro aa kaa, dɛ sewee kɛɛ mkpaa yoo, belaa men maa ɛ o bonɔɔ ɡe ɛɛ ba doe.”

1 Samoɛl 19:3

N ne n mɛɛ ɛɛ ka che bela haa ka sɔh laanee, ásɛ n bol he waa baɡlo, ásɛ dɛ o bol waane aa, ń ba bol he be.”

Sɛɡla 16:28

Nɛnchɔɡee kpɔ waa dɛɛ perɛ, onee dɛɛ ba waa ne, dɛɛ peɡri daamanar baah.

Sɛɡla 19:13

Bibaa waa ɡɛna dɛ́ tɛ o mɛɛ wa, asɛ hannaɡrenyini we-ɛɛla do kɛŋɔ nee aa dɛ kor la ken.