Sɛɡla 17:14 - mzwDBL

¹⁴ Naɡra mumpar do kɛŋɔ haa teɡɛ nee bio, waa la aa wola dɔe do kan la, teŋe a ta mɔɔ a kaa sie.

Sɛɡla 17:14 ပူးပေါင်းရင်းမြစ်များ

2 Samoɛl 19:41

Belaa Israel tena la bwa ba kooro be dɛ ba ŋɔ, “N naa kooro, ɛrɛɛ Juda tena baa ɛ ya lolanar ŋwɛ kooro ne o dem tena, dɛ o laa tena bwa, dɛ kpɔ ba ɛɡɛ Jɔɔdan Moo la kaa nɔɔ?”

2 Webena 13:17

Kooro Abija ne o laa tena kpoo Israel laa tena baa jemɛ yoi taeh, laa tena dɛ ɛ kaɡboŋa lafraanue.

2 Webena 28:6

Tɔpebeŋkpoŋ ɡbo ta, Remalia bibaa Kooro Pɛka ne o laa tena iro ka kpoo Juda laa tena kaɡboŋa lafa fifraanɛ, dɛkalkɛ ba vɛh Korowii ba naawa aa tomɔ la.

Sɛɡla 13:10

Waa nee jenu ɛɛ ba, wejeremee dɛɛ bɔɔ waa bini.

Sɛɡla 14:29

Nɛn o baah aa wola di warawara la, o dɛ no waa mun taeh, kɛ nɛn waa wola bambile dɔe la, o dɛ maŋkura o te ɡɛna ta.

Sɛɡla 15:1

Tahaah dɛ sɔɔh bandia, takpeɡ ɡe ɛɛ ir bwaawee.

Sɛɡla 16:32

Bambile dɔe wer ɡwaa banyoo tenten, he jemɛ he te lawa aa, a ɡwaa kɛŋɔ haa yoa lɛ bwɛbir.

Sɛɡla 17:19

Nomɛlbwa waa dɛ nyin naɡra sie dɛ lɛ wechɔɡa ta, ɡɛɛ nɛn waa dɛ ta nyoa ɛɛ kaa chɔɡa ta.

Sɛɡla 19:11

Wejeremee won bambile lawa, o dɛ dɔ jirima waa kpɔe dɛ́ kɛ ta.

Sɛɡla 20:3

Baa bɛlbwa jirimaa kɛŋɔ o laa o te kpɔ naɡra we-ɛɛla ta, ɡɛnee dɛɛ nyin yoi.

Sɛɡla 25:8

bɛ too dɛ́ kpɔ kaa kɔɔto, ɡɛ laa dɛ he dɔŋ kaa di danseɛ bɔe naa, hɛɛ di sihiih.

Sɛɡla 26:21

Gɛ hɔla aa dɔ nii, damara ɡe ɡel nii ɛɛ hɔ la, ɡɛɛ naɡrenyini ɡe ɛɛ ba naɡra ne.

Sɛɡla 29:22

Nɛn o baah aa dɛ di warawara la, dɛ ba naɡra ne. Nɛn o baah aa dɛ di kohona dɛ ba wechɔɡa ne taeh.

Tɔn Pɔɔl Aa Chwerɛ Rom Tena 12:18

Dɛ aa maɡroo waa, hɛɛ wonoo waa, hé takapɔ ásɛ wechɔɡa bɛlbwa bɛ he ne nomɛlbwa baah do.

1 Tesalonika 4:11

Hé takapɔ dɛ́ ɛ he te nɛŋɡwɛɡra dɛ bɛ nɛra waa ta dɛɛ jo. Hé kpɔ he bokpeɡa ɛ toma, dɛ bɛ he te kpɔ dɛɛ dawɛ nɛra nɛ, ɡɛ yaa ŋɔ he be wubwa la.