Sɛɡla 16:33 - mzwDBL

³³ Nɛra dɛ ta bie dɛɛ nyin liire a ta, kɛ Korowiirii jemɛ ɡɛ aa chiɡ.

Sɛɡla 16:33 ပူးပေါင်းရင်းမြစ်များ

Nehemia 11:1

Aa ba dɛ la sie tama la, harɛ la ta nomonome baa so Jerusalam, asɛ nɛra la kabora bil daa, dɛ le dembeŋkpoŋ nɛra le deremi fi bɛlbwa bini, ba ba so Jerusalam bwɛjen waa do ɡoroŋ la ta, asɛ banuanaarɛ kar la ɡe ka so ba bwɛɛre ta.

Sɛɡla 16:32

Bambile dɔe wer ɡwaa banyoo tenten, he jemɛ he te lawa aa, a ɡwaa kɛŋɔ haa yoa lɛ bwɛbir.

Sɛɡla 18:18

Waa lɔ nɛra banɛ ba waa aa kpeɡa baah ta naa, Korowii siee ba kpɔ dɛɛ bil wɛɛ baɡle a kasinteŋ.

Sɛɡla 29:26

Korowiirii dɛɛ pa bole aŋwɛnɛ ta, ɡwaa kɛŋɔ nɛra ɡalɡa aa dɛ nyin kɛ koranar nyin ba waa la.

Ɛsekeɛl 21:21

Babelɔn kooro cheɡɛ ŋwɛnɛ chɛchɛre la ta, dɛ kpɔ o hɛma bil daa, dɛ́ jemɛ ŋwɛnɛ waa kpɔ o ta. O kpɔ o voɡa bil dɛ kpɔ kondɛɛre waa kpoa pwɛ dɛɛ nyiŋi o ta.

Lewi Dea Tena 16:8

Dɛ́ bil daa ásɛ beŋkpoŋ ɛ n kon, nɛɛte la ɡe ɛ onɔ la baa kpɔ nɛra la bwa wechɔɡa dawɛ o nyu ta.

Jona 1:7

Asɛ nɛra la bwa baa lɔ stiimae la bini la ŋɔ, “Hɛ́ ɡel ya bil daa, dɛ́ na naate aa cheɡɛ o nɛɛ ɡɛ waa nɔ ba ya nɛɛ nɔ.” Ba bil daa la, asɛ a lawɛ Jona.

We-ɛɛla 1:26

Baa ta bie la, Matayasee dia, asɛ ba kpɔɔ ja Yeesu toroma fi dɛ beŋkpoŋ la nɛ.

Josua 18:10

Ate, o bil daa Korowii sie Silo bela tɛɛ ba, asɛ dɛ bɔne harɛ la tɛ Israel deene aa kaa la.

Josua 18:5

Hé bɔne harɛ la bini bɔre anuanɛ tɛɛ ba. Juda dea tena so ba harɛ ta weekaŋle harɛbɔr, ásɛ Josef naanar ɡe so ba harɛ ta weekaŋle nyunduabɔr.

Josua 7:14

Ŋɔ ba be ŋɔ chɔɔbɔr, denaa bɛlbwa tena ba n sie, dea bɛlbwa men Korowii aa lawɛ la, bá le ba n sie, dɛ́ le denaa ta ba n sie lolanar ta, ásɛ lolanar bɛlbwa nɛra maa lawɛ la, bá ba n sie beŋkpoŋa beŋkpoŋa.

Sitɔɔla 20:9

Kenii yaa ba Gebea tena ɛɛ. Yáa bil daa, ásɛ dɛ ka yoo ba ɡɛ daa la aa baɡla la.

1 Samoɛl 10:19

Kɛ taraken he vɛh men Korowii haa dɛ tom mɛ, n lɛ heyaa le wahala ne wekpeɡa bwa ta la. He berɔ ŋɔ ń tɛ heyaa kooro wɛɛ tɔ he sie. Anomanta, he bwa ba cheme n sie deenaa ta.”