Sɛɡla 16:32 - mzwDBL

³² Bambile dɔe wer ɡwaa banyoo tenten, he jemɛ he te lawa aa, a ɡwaa kɛŋɔ haa yoa lɛ bwɛbir.

Sɛɡla 16:32 ပူးပေါင်းရင်းမြစ်များ

2 Koranar 5:12

Anɔ bwa habɔɔ, bwɛjen Damaskɔs Mojena Abana ne Faapar laa wera Israel harɛ ta neerare bwa ta, ń fee ka sɔ n bwara kwaa raa?” Anomanta, o laa berɛ bandia ne dɛ kaa.

Yela 103:8

Nɛra waa dɛ domɛ Korowii tea wɛɛ sune ba nɛ, o baah aa di warawara, o nyina ɡe ta jaɡa dɔe bwa.

Sɛɡla 14:29

Nɛn o baah aa wola di warawara la, o dɛ no waa mun taeh, kɛ nɛn waa wola bambile dɔe la, o dɛ maŋkura o te ɡɛna ta.

Sɛɡla 15:18

Nɛn o baah aa dɛ di warane la dɛ ba naɡra ne, kɛ nɛn waa dɔ bambile te dɛ sɔɔh waa nyoa.

Sɛɡla 16:19

He pwɛre he te dɛ nya bɔ ɡwaa kɛŋɔ he ne mbarafo tena aa bɔne laa ta kwa.

Sɛɡla 16:31

Nyumpompoŋa ɛ jirima botire, nɛn o wa aa toɡra laanee dɛɛ dɔa.

Sɛɡla 16:33

Nɛra dɛ ta bie dɛɛ nyin liire a ta, kɛ Korowiirii jemɛ ɡɛ aa chiɡ.

Sɛɡla 19:11

Wejeremee won bambile lawa, o dɛ dɔ jirima waa kpɔe dɛ́ kɛ ta.

Sɛɡla 25:15

Bambile dɔe ne tahaah won nomonjen liire bera, ɡɛɛ a won wekpeɡa ɡe sɔɔhna.

Sɛɡla 25:28

Nɛn waa wola won bambile lawɛ la, o do kɛŋɔ bwɛjen baa ma danjwɛɛ baro o kuuɡi la ken.

Wejereme 7:8

Komɛlbwa tona wer ɡwaa o mumpar, asɛ bambile lawa ɡe ɡwaa kɛ haa dɛ ɛ mbarafo.

Wejereme 7:9

Bɛ ɡel he baah ɛɛ di warawara, ɡɛnee lɛ o dɔŋ waa dɛɛ do o bini.

Tɔn Pɔɔl Aa Chwerɛ Rom Tena 12:21

He bɛ ɡel liichɔɡa lɛ he lem. Hé kpɔ wedɛɛɡa dɛɛ tɔ wechɔɡa ŋwɛnɛ.

Ɛfesos 5:1

He ɛ Korowii bii waa dɛ nyin heya, anomanta, hé chaaro dɛ́ kpɔ o da.

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.