Sɛɡla 16:21 - mzwDBL

²¹ Nɛn o liire aa wera dɛ dɔ wejema laanee ba ŋɔ o dɛ no waa mun. O wobosoma taa a che nɛra sɛh dɛɛ ba o be.

Sɛɡla 16:21 ပူးပေါင်းရင်းမြစ်များ

1 Koranar 3:12

mɛɛ ɛ ɡɛ haa soŋa laanee tɛɛ. Mɛɛ tɛɛ wejema ne waa mun noe, he kpɔ dɛɛ nyiŋi nɛra nɛ, nomɛlbwa aa wola won do kɛŋɔ hen, a dɔŋa ɡe aa wola chiɡ bwa.

Yela 45:2

Henee wera kohona, baala bwa bini, he nyoa jemɛ wobol ɡe, dɛkalkɛ Korowii sweere andɛɛɡa saŋ bɛlbwa dɛɛ la.

Sɛɡla 10:13

Wejereme wobol binii wejema do, kɛ ɡɛne te, lɔɔraa baa lɔɔro.

Sɛɡla 10:23

Gɛne siee dɛɛ lɛ wechɔɡa ta, kɛ nɛn waa dɛ no waa mun te, o sie dɛ lɛ wejemwaa ta.

Sɛɡla 10:8

Wejereme dɛ́ no jae, kɛ nɛn waa dɛ bol ɡɛnewaa te waa dɛ ɛ pɛɛpɛɛ.

Sɛɡla 15:7

Wejerema wobol dɛ tɛ wejema, Gɛne wobolee wola won wobɛlbwa tɛ.

Sɛɡla 16:22

Wejema do kɛ bule dɛɛ tɛ wejereme mkpa, asɛ ɡɛne ɡe deŋnetɛra ɛɛ leo o ɡɛnewaa ta.

Sɛɡla 23:15

N bie, dɛ he jemɛ wa aa, n baah ɛɛ sɔɔh mɛɛ.

Sɛɡla 27:9

Konsɔɔhsoma sɔɔh ɡelɔ nɛn sie ɛɛ lɛ, ɡɛɛ dansom tenten ɡe liire waa tɛɛ la do.

Wejereme 12:10

O takapɔ ŋɔ wɛɛ dɔ bolarawa wobolee, kɛ o waa waa chwera la a ɛ kasinteŋ dɛ do wer.

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Amanesoma Luk Aa Chwera Tɔn 4:22

Belaa nɛra la bwa kpɛɛro. Ba nyoa kpo ɡɛ o nyoa ne wobol aa soma la, asɛ ba ŋɔ, “Josef bie la laa nɔ naa?”

Amanesoma Jɔn Aa Chwera Tɔn 7:46

Anee ba ŋɔ, “Baa la waa waa dɛ bol la, nomɛlbwa ta o wobol dɔŋa bolɛ bwa.”

Tɔn Pɔɔl Aa Chwerɛ Rom Tena 16:19

Nɛra bwa dɛ bol he teŋa haa dɛ teŋɛ Yeesu waa la ta waa bobɛlbwa, anomanta, n sie lɛ he nɛɛ kɛrɛdɛ. Kɛ n dɛ nyin kɛŋɔ he ɛ wejerema wedɛɛɡa ɛɛ bɔr, asɛ dɛ ɛ nɛra haa wola wobɛlbwa jemɛ wechɔɡa ɛɛ be pera.

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.