Sɛɡla 16:20 - mzwDBL

²⁰ Nomɛlbwa waa cheɡ deŋne dɛɛ no waa la, dɛ́ dɔ kɛrɛdɛ, nomɛlbwa waa dɛ hwɛɡɛ Korowii nɛɛ la, o na som.

Sɛɡla 16:20 ပူးပေါင်းရင်းမြစ်များ

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

Yela 125:1

Nɛra baa kpɔ ba te dawɛ Korowii nɛɛ la do kɛŋɔ Saayɔn Bwejen. Baa yiiɡi bwa, dɛ che kiŋkiŋ saŋ bɛlbwa dɛɛ la.

Yela 146:5

Nomɛlbwa waa kpɔ hwɛɡa do Korowii Jekɔb aa tomɔ nɛɛ wɛɛ chao la, o na som.

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Yela 32:10

Nyubinikpeɡ tena wenaale warɔ taeh, kɛ Korowii nyina aa wola jaɡa dɔe la, dɛ tɔ nɛn waa dɛ yaradao la nɛ.

Yela 34:8

Hé daɡɛ Korowii waa la, dɛ́ na kɛ o wer, nɛra baa chwaa kaa marɔ la, ba na som.

Sɛɡla 13:13

He ɡelɔ wedɛɛɡa kpɔ he deŋna habɔɔ kaa laa, waa he nyin dɛɛ dawɛ he nɛ, kɛ he teŋɛ a ta naa, he bwara dɛ sɔɔhne.

Sɛɡla 13:15

Nɛn waa dɔ wejema la, dɛ́ dɔ duure, kɛ nɛn o wa aa wola kasinteŋ dɔe te, a dɛ kaa o ne wechɔɡa ta.

Sɛɡla 17:2

Yom waa jemɛ waa la, dɛ nyiŋi o dɔɔ bie o wa aa wola kɛrɛdɛ doe nɛ, o dɛ dɔ kapɛrɛ kwaa aa ɛ bii la kwaa la ane.

Sɛɡla 19:8

Nomɛlbwa waa dɔ wejema la, dɔ nyina tɛ o ɡbaɡba, ɡɛɛ nɛn waa dɛ no waa mun la, o wobɛlbwa ɛɛ do wer.

Sɛɡla 8:35

Nomɛlbwa waa na mɛ la dɔ mkpa, Korowii tea ɛɛ too o nɛɛ.

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Daneɛl 3:28

Kooro Nebukadnesa ŋɔ, “Hé kpɛɛ Korowii Sadrak, ne Mesak dɛ Abɛdnɛɡo aa dɛ tomɔ la. O ɡelɔ o nyundua torome ba, dɛ ba lɛ o bonɔɔna. Ba kpɔ ba te tɛo, dɛ vɛh waa maa do ba a ta, dɛ sɛh kɛŋɔ ba sewɔ bɔ ba be kɛŋɔ ba ɡuŋi kɛɛ dɛ tomɛ voɡ bɛlbwa, atane Nemenɛ Korowii baa dɛ tomɔ ɡbo.

Daneɛl 6:23

Kooro sie lɛo kohona, o ŋɔ bá ka lawɛ Daneɛl le bɔɔ la bini. Asɛ ba la ka lawɔ le bɔɔ la bini, dɛ komɛlbwa ta o bobɛlbwa ɛɛ, dɛkalkɛ o yarada Korowii waa dɛ tomɔ.

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.