Sɛɡla 16:14 - mzwDBL

¹⁴ Kooro baah diu waa, wɛɛ won ɡel ba kpoe, wejeremee jemɛ o larawa.

Sɛɡla 16:14 ပူးပေါင်းရင်းမြစ်များ

Mumpar 40:2

Kooro la baah di a ɡɛ nomonome banɛ nɔ nɛɛ kɛrɛdɛ,

Ɛsta 7:7

Kooro baah diu kɛrɛdɛ o ir ɡel sen waa dɛ nyɔ la, dɛ le buse ka jo koodem bodɛɛɡe bobɛl baa du daa ane la. Heeman nao kɛŋɔ kooro dɔɔ kpɔ liire ɡɛ waa dɛ ba o deŋne tɛra. Anomanta, o soɡo dɛɛ soŋe kooro haah Ɛsta ŋɔ ó lɛo ta.

Sɛɡla 15:18

Nɛn o baah aa dɛ di warane la dɛ ba naɡra ne, kɛ nɛn waa dɔ bambile te dɛ sɔɔh waa nyoa.

Sɛɡla 16:13

Koranar siwi dɛ́ su nɛn waa dɛ bol kasinteŋ, ba dɛ nyin nɛn waa dɛ bol kpela.

Sɛɡla 16:15

Kooro sie lɛo waa, a dɛ ba mkpa ne, a do kɛŋɔ sitɔ bwaala baama ken, a nɛo waa, kwaa dɛ do wer.

Sɛɡla 17:11

Nɛnchɔɡe waa dɛ nyin deŋnekpeɡ we-ɛɛla ɡbo la nɛn waa wola nɛn sum naa baa tomɛ o be.

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Sɛɡla 20:2

Kooro bandia do kɛŋɔ nyujente aa dɛ si ken. Nomɛlbwa waa dɛ doo bwaawee la dɛ ta o nyu.

Sɛɡla 29:26

Korowiirii dɛɛ pa bole aŋwɛnɛ ta, ɡwaa kɛŋɔ nɛra ɡalɡa aa dɛ nyin kɛ koranar nyin ba waa la.

Sɛɡla 29:8

Wejeremee won waa larawa, kɛ bammuɡli nɛn te won waa ne bwɛjen ta bala.

Wejereme 10:4

Dɛ kooro baah di he nɛɛ aa, bɛ ŋɔ he dɛ vɛh toma waa kpɔa do he nɔn ta. Bambile lawa ɛɛ won sɔɔh he wechɔɡa haa ɛa nyoa.

Daneɛl 2:16

Ate, Daneɛl den la kooro be dɛ ka soŋo tɔpere, ásɛ o ɛ dɛ ba baɡlo deera la mun.

Amanesoma Mak Aa Chwera Tɔn 6:27

Buɡ la ta, o tomɛ o sooja bɛl ŋɔ ó ka teŋe Jɔn nyu ba. O kpɔ o kere dɛ ka teŋe Jɔn nyu dea bela baa doo la,

We-ɛɛla 12:20

Dɛ o baah di bwɛɛre baa dɛ yera Taaya ne Sidon la tena nɛɛ taeh. Bela bwɛɛre nɔ tena nyoa pɛo, asɛ ba ba dɛ ba na Kooro bonɔɔna nomoa bɛl baa dɛ yerɔ Blastus la ŋɔ ó cha ba, dɛ́ larawe Kooro ásɛ ba ne o pɛ, dɛkalkɛŋɔ dɛ Kooro Hɛrɔd harɛ taa a ɡɛ nɛra nɔ ɛɛ yawɛ ba kondikwa.

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.