Sɛɡla 15:32 - mzwDBL

³² Nomɛlbwa waa wola jae no la ta o nyu, kɛ nɛn waa dɛ no jae la, o dɛ no waa mun.

Sɛɡla 15:32 ပူးပေါင်းရင်းမြစ်များ

Yela 50:17

He hah waa maa do heyaa a ta la, dɛ kpɔa ta habɔɔ.

Sɛɡla 1:7

Wejema mumparee Korowii ɔma. Gɛna ɡboo dɛɛ vɛh wejema, ne waa baa dɛ do ba a ta.

Sɛɡla 10:17

Nɛn waa cheɡ deŋne dɛɛ no jae la dɛ́ biɡri, kɛ onɔ la waa wola o wechɔɡa sɛh la dɛ́ dɔ wa.

Sɛɡla 13:18

Nɛn waa wola jae no la dɛ nya dɛɛ di sihiih, kɛ naate waa dɛ no jae la, o dɛ dɔ nyanyini.

Sɛɡla 15:14

Nɛra baa dɔ liire la pɛlaa dɛɛ lawɛ kɛŋɔ ba hweli waa dɛɛ ja, ɡɛnee dɛɛ do sie ɡɛnewaa ta.

Sɛɡla 15:21

Nɛn waa wola liire dɔe la, ɡɛnewaa dɛ lɛ o sie, kɛ nɛn waa dɔ liire la waa toɡrɔ.

Sɛɡla 15:31

Nomɛlbwa waa dɛ no jae aa dɛ ba mkpa ne la, o ne wejeremaa dɛɛ pɛ.

Sɛɡla 15:33

Nɛn waa dɛ ɔmɛ Korowii la dɛ jemɛ wa, he ta he te pwɛraa, haa jirima dɔ.

Sɛɡla 15:5

Gɛnee dɛɛ vɛh o mɛɛ wa, kɛ nɛn baa dɛ jao wɛɛ no la, dɛ jemɛ wa.

Sɛɡla 17:16

Tɔnɔ besoo a dɔ kɛŋɔ ɡɛne kpoŋe suuɡa dɛɛ nyin wejema dɛ o ta a liire dɔe yɔ?

Sɛɡla 18:15

Wejerema dɔ liire kɛŋɔ baa dɛɛ hweli waa, baa cheɡ deŋnee dɛɛ no wa.

Sɛɡla 19:20

Ba dɛ jae naa dɛɛ no, dɛɛ teŋɛ a ta, ásɛ tɔpebɛl he ba dɔ wejema.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Wejereme 7:5

Wejereme dɛ́ kaeh naa, no o be, ɡwaa kɛ ɡɛne aa dɛ ɡo yela dɛɛ kpɛɛre.

Aesaya 1:5

Bɔkwa waa he ta do he kpaŋa nɔ ta nɔɔ? Deŋnetɛra besoo he ta ɛɛ nyin jaɔ? He bwadabii bwa dɛ we heya, he sie ta harɛ chole.

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Mmarare 21:18

Dɛ nomɛlbwa bibaa deŋne kpeɡri wɛɛ lɛ ɡaeh waa o nya ne o mɛɛ deŋna waa no, hale ba tɛr o deŋne o ta do ɡɛ naa,

Mmarare 21:20

Bá ŋɔ nomonome la be ŋɔ, ‘Ya bie nɔ deŋne kpeɡri, o dɛ lɛ ɡaeh, waa ya deŋne waa ɡe no. O ɛ sennyɔɔ dɛ ɛ nɛnsala.’

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Jems 1:22

He bɛ waa la no dɛ́ ɡel a ɛɛ. Dɛ he dɛ ɛ ɡɛ naa, he dɛ neɡre he te. Hé ɛ ɡɛ waa la aa baɡla la.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.