Sɛɡla 15:28 - mzwDBL

²⁸ Nɛn o wa aa toɡraa yon dɔ haŋra waa ta mɔɔ dɛɛ chaŋe, kɛ nɛnchɔɡee yon too wobochɔɡa ɛɛ le o nyoa.

Sɛɡla 15:28 ပူးပေါင်းရင်းမြစ်များ

Yela 59:7

No chɛɡa ne waa aa dɛ le ba nyoo, ba nyondoŋa do kɛ keri ken, kɛ dɛ ɡee lii kɛŋɔ nomɛlbwa aa ba be no.

Sɛɡla 10:19

Wobobala te bɛlbwa dɛ koni, asɛ nɛn waa won o nyoa lawa la jemɛ wa.

Sɛɡla 10:32

Nɛn o wa aa toɡra wobol dɛ́ sɔɔh baah, kɛ nɛnchɔɡe te, o wobol dɛ muɡli baah.

Sɛɡla 13:16

Wejereme bɛlbwa dɛ lii waa mɔɔ dɛɛ ɛa, kɛ ɡɛne te ɡelɔ baa na o ɡɛna.

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Sɛɡla 16:23

Wejeremee lii waa mɔɔ dɛɛ bol, o wobol ɡelɔ nɛra sɛh dɛɛ ba o be.

Sɛɡla 29:11

Gɛnee dɛɛ baɡle o bandia nɛra baah ta, wejeremee dɔ bambile dɛ won o te lawa.

Sɛɡla 29:20

Hwɛɡa lɔ ɡɛne nɛ, dɛ ɡwaa nɛn waa dɛ bol waa waa wola lii mɔɔ.

Wejereme 5:2

Dɛɛ lawɛ he nyoa, he dɔ waane dɛ́ bol aa, nyiŋi a bini kɛrɛdɛ dɛ bɛ too, dɛ́ bol baɡle Korowii. Korowii te, nyundua o do, asɛ he do harɛ, anomanta, bɛ ɡel he wobol do kan.

Wejereme 5:6

Bɛ ɡel he nyoa wobol kaa he ne wechɔɡa ta, ásɛ dɛ ŋɔ sɔfo be ŋɔ, sibeɡra ta laa he baɡɛ nyoa. Bɛ ɡel Korowii baah di he nɛ he nyoa wobol wa, dɛ́ chɔɡ kwaa haa koah dɛ dɔ.

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.