Sɛɡla 15:21 - mzwDBL

²¹ Nɛn waa wola liire dɔe la, ɡɛnewaa dɛ lɛ o sie, kɛ nɛn waa dɔ liire la waa toɡrɔ.

Sɛɡla 15:21 ပူးပေါင်းရင်းမြစ်များ

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Sɛɡla 10:23

Gɛne siee dɛɛ lɛ wechɔɡa ta, kɛ nɛn waa dɛ no waa mun te, o sie dɛ lɛ wejemwaa ta.

Sɛɡla 11:12

A ɛ ɡɛnewaa kɛŋɔ he muɡli he dɔŋ baah, kɛ he jemɛ waa tenaa, he dɛ lawɛ he nyoa.

Sɛɡla 14:16

Wejereme dɛ nyiŋi kɛrɛdɛ o soɡa bini kɛ o bɛ waa dɔ. Gɛnee dɛɛ ɛ waa saɡasaɡa, o baah ɛɛ di warawara.

Sɛɡla 14:8

Wejereme jemɛ waa aa wera kɛ o ɛ. Gɛnee yon dɛɛ neɡre o nyu kɛ o jemɔ.

Sɛɡla 14:9

Gɛna waane laa wechɔɡa baa ɛ wa, nɛra ba wa aa toɡraa yon dɛɛ soŋe ba wechɔɡa.

Sɛɡla 15:22

He maɡle waa dɛ he ta jajaa dɔe yaa, a dɛ chɔɡ, kɛ dɛ he dɔ jajaala waraa, a dɛ do wer.

Sɛɡla 4:25

Do sie dɛɛ ɛ waa haa dɛ ɛ, do sie a ta, dɛ bɛ bobɛlbwa nyiŋi.

Sɛɡla 4:26

Nyiŋi he vala bini kɛrɛdɛ, ásɛ dɛ che kiŋkiŋ bela haa dɛ kaa.

Ɛfesos 5:15

Anomanta, hɛ́ɛ nyiŋi he soɡa bini kɛrɛdɛ dɛ́ ɛ wejerema dɛ bɛ ɡɛn.

Jems 3:13

He bini umee ɛ wejereme dɛɛ no waa mun ɔ? Gel o pwɛr o te dɛɛ ɛ wedɛɛɡa, ásɛ o da baɡle kɛ o ɛ wejereme.