Sɛɡla 15:19 - mzwDBL

¹⁹ Bɔhwaah soɡa bini do kɛŋɔ, waa dɛ valɛ sɔɔhne ta, kɛ he waa toɡraa, he ŋwɛnɛ wer.

Sɛɡla 15:19 ပူးပေါင်းရင်းမြစ်များ

Yela 25:12

Nɛra baa dɛ duu Korowii la, wɛɛ baɡ ba ŋwɛnɛɛ baa kpɔ o ta.

Yela 27:11

N Naa Korowii, baɡ mɛ he ŋwɛnɛre, tɔ n sie, dɛ́ kpɔ mɛ kpɔ ŋwɛnɛdɛɛɡe ta, dɛkalkɛ n dɔma warɔ.

Yela 5:8

N Naa Korowii, n dɔma warɔ kɛrɛdɛ! Tɔ n sie ń ɛ anɔ la aa too he tea, ɡel n na he wa dɛɛ teŋɛ a ta.

Sɛɡla 11:5

He waa toɡrɔ aa, dɛ he waa wer, kɛ he ɛ nɛnchɔɡe aa, he ɡbaɡba we-ɛɛla dɛ chɔɡe.

Sɛɡla 15:18

Nɛn o baah aa dɛ di warane la dɛ ba naɡra ne, kɛ nɛn waa dɔ bambile te dɛ sɔɔh waa nyoa.

Sɛɡla 15:20

Bechawejereme ɡelɔ o mɛɛ baŋa ɛɛ pa, kɛ biɡɛne te hah o nya, dɛɛ nyiŋi o nyubaah.

Sɛɡla 22:13

Bɔhwaahree yon ŋɔ, “Nyujente lɔ dahare!” Kɛɛ, “O ken ɛɛ kpo mɛ fɔɡbaahnaa!” dɛɛ so dem.

Sɛɡla 22:5

Nafuɡere ne sɔɔhne lɔ wechɔɡ-ɛɛra ŋwɛnɛ ta, he dɛ nyin he nyu aa, laa he te kpɔ ɡɛ ŋwɛnɛ la ta.

Sɛɡla 26:13

Bɔhwaahree yon ŋɔ, “Nyujente lɔ ŋwɛnɛ ta, o lɔ fɔɡbaahna.” Anomanta, waa le.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Sɛɡla 6:6

Bɔhwaah bɛlbwa nyiŋi vaɡla we-ɛɛla, dɛ́ che a ta hweli wa.

Sɛɡla 8:9

Nɛn waa dɛ no waa mun la, a bwa bini chɔɔ tɛo, dɛ berɛ toɡre tɛ banɔ la baa dɔ wejema.

Aesaya 30:21

He kono kpɔ diɡ oo, ɡal oo, hɛɛ no taa bɛl he habɔɔ, o ŋɔ, “Ŋwɛnɛ laanee la, hé kpɔ o ta.”

Aesaya 35:8

Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.

Aesaya 57:14

Korowii ŋɔ, “Kwaa ŋwɛnɛ, kwaa ŋwɛnɛ tɛ n nɛra bá ba! Laa komɛlbwa waa tɔ bɔr la kpɔ ta.