Sɛɡla 15:14 - mzwDBL

¹⁴ Nɛra baa dɔ liire la pɛlaa dɛɛ lawɛ kɛŋɔ ba hweli waa dɛɛ ja, ɡɛnee dɛɛ do sie ɡɛnewaa ta.

Sɛɡla 15:14 ပူးပေါင်းရင်းမြစ်များ

Yela 119:100

N dɔ wejema dɛ ɡwaa nomonome baa hwɛɛhra, dɛkalkɛ n dɛ teŋɛ he Mmarare ta.

Yela 119:97

N Naa Korowii, n dɛ nyin he Mmarare la kɛrɛdɛ, tɔpere bɛlbwaa mɛɛ lii a wa.

Sɛɡla 1:5

Wejerema, hé cheɡ deŋne, dɛ́ no sɛɡla nɔ, dɛ́ dɔ wejema kɛrɛdɛ. Nɛra baa dɛ no waa mun la won ba te lawa, anɔ la aa wera ne anɔ la aa wola were ta,

Sɛɡla 12:23

Wejereme dɛ tɔ o wejemwaa ta, ɡɛnee dɛɛ pili o ɡɛnewaa ta dɛɛ tɛ nɛra.

Sɛɡla 15:15

Nɛra baa lɔ wahala ta la soɡa bini aa were, kɛ nɛra ba sie aa dɛ lɛ la, do kɛŋɔ baa dɛ di kondikonjena saŋ bɛlbwa ken.

Sɛɡla 18:15

Wejerema dɔ liire kɛŋɔ baa dɛɛ hweli waa, baa cheɡ deŋnee dɛɛ no wa.

Sɛɡla 9:9

Hé dɛ ja wejereme aa, a ɡelɔ wɛɛ jemɛ waa kohona. Anɔ la bɛlbwa haa bol nɛn o wa aa toɡra be la, a dɛ ja o wejema ta.

Aesaya 30:10

Ba ŋɔ Korowii keamere baa dɛ na waa chaahna ta be ŋɔ, ‘He bɛ chaahna waa bol ya be kpa. He bɛ kasinteŋ waa aa chɛ kɛ ya ɛ dɛɛ bol kpa. Hɛ́ɛ bol waa aa dɛ lɛ sie, dɛ ɛ wesoma ya be.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.