Sɛɡla 14:28 - mzwDBL

²⁸ Nɛn nee baa di kora, nɛra toole naa, kora ɛ pɛɛpɛɛ.

Sɛɡla 14:28 ပူးပေါင်းရင်းမြစ်များ

2 Samoɛl 19:7

Ir le ka larawe he laa tena la bwara. N ŋwɛɛ Korowii o sɔn aa kana la kɛŋɔ dɛ he ta leɛ kaa laa, bɔr ne joe nɛmbeŋkpoŋ kwara aa he bee ka. Dɛ a fe ɛ wedoŋa dɛ ɡwaa anɔ la bwa haa naa le he bonɔɔne saŋ ba le fini.”

2 Samoɛl 24:3

Anee Joab chaŋe kooro ŋɔ, “N naa kooro, Korowii haa dɛ tomɔ la ɡel laa tena la warɛ bele lafa dɛ́ ɡwaa, ásɛ he na. N naa, aah bɔkwa waa hɛɛ nyin he kur ba ɛɔ?”

1 Koranar 20:27

Kooro Ahab boa Israel laa tena nyoa, dɛ tɛɛ ba komɛlbwa baa hiah laa la ta, asɛ ba le dɛ ka pu Siiria tena la. Israel tena laa tena la kaa so ba sie chaɡɛ Siiria tena. Dɛ Israel tena bɔne ba bini kuore anɛ, dɛ do kɛŋɔ boohna tamaa ane ken, asɛ Siiria laa tena la te warɛ dɛ tɔ harɛ bwa.

2 Koranar 13:7

Siiria Kooro Hasael ne o laa tena pɔ Israel tena nɛ, dɛ ɡel Kooro Jehoahas laa tena mule. O laa tena baa kaa laanee, nɛra baa jemɛ jaɡre ta soɡa fifraanue, ne torɔɡore fi, dɛ laa tena baa dɛ valɛ harɛ nɛra kaɡboŋa fi. Siiria laa tena kpoo ba kabora, dɛ tiɡri ba do harɛ kɛŋɔ pɛla ta teera ken.

Kaala 1:12

Kɛ Ijipt tena la aa dɛ fiɡ ba kohona la, dɛ nae ba ɡe na dɛɛ ya kwara dɛɛ perɛ harɛ la bwa ta. Asɛ Ijipt tena berɛ dɛɛ ɔmɛ Israel tena la kohona.

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Sɛɡla 14:27

Korowii ɔma do kɛ bule waa dɛ tɛ mkpa, anee dɛɛ le nɛn seo ŋwɛnɛre ta.

Sɛɡla 14:29

Nɛn o baah aa wola di warawara la, o dɛ no waa mun taeh, kɛ nɛn waa wola bambile dɔe la, o dɛ maŋkura o te ɡɛna ta.

Jeremia 13:20

Hé ha sie nyiŋi, he dɔma le weekaŋle nyunduabɔr dɛɛ ba. Leperaa nɛra baa lɔ he nɔn ta, he koh ba waa dɛɛ ɛ mbarafo la dɔɔ?