Sɛɡla 13:17 - mzwDBL

¹⁷ Torome o wa aa wola kasinteŋ dɔe laanee dɛɛ ba waa ne. Kɛ onɔ la o wa aa dɔ kasinteŋ te, o dɛ ba deŋnesɔɔhna ne.

Sɛɡla 13:17 ပူးပေါင်းရင်းမြစ်များ

Sɛɡla 10:26

Gɛ konnyɛɡa aa dɛ nyɛɡ nyena, asɛ ninchuu ɡe ɛɛ we sie la, ɡɛɛ nɛn waa dɛ ɛ bonyɛɡa do tɛ nɛn waa tomɔ. Waa on bansɔɔhna tɛ.

Sɛɡla 13:18

Nɛn waa wola jae no la dɛ nya dɛɛ di sihiih, kɛ naate waa dɛ no jae la, o dɛ dɔ nyanyini.

Sɛɡla 25:13

Torome baa tomɔ o la dɛ baa bol kasinteŋ nɛn waa tomɔ be la, do kɛŋɔ nee aa dɛ sɔɔh baah, kwaa koma saŋ bɔr aa wɔba la ken.

Sɛɡla 25:23

Gɛ dɔŋ bwara waa bola aa dɛ ba bandia ne la, ɡɛɛ peu waa taa le bobɛl dɛɛ ba bwaala nee ne la do.

Sɛɡla 26:6

He tomɛ ɡɛne aa, he nakpalee dɛɛ sɔɔhne, he bambile te aa hen sɔɔh.

Jeremia 23:28

Keame bɛlbwa na waane chaahna ta naa, o yon ŋɔ deeraa o dee, kɛ n keame bɛlbwa waa dɛ bol waa aa le n be la te, wɛ́ɛ bola kasinteŋ ta. Haahra ta korɛ, asɛ mea ɡe koraa?

Ɛsekeɛl 3:18

Dɛ n ŋɔ wechɔɡ-ɛɛ be ŋɔ wɛɛ sewɛ o wechɔɡa taa, dɛ he ta on kaeh, o ɡel o wechɔɡa la dɛ dɔ o nyu aa, wɛɛ sewɛ o wechɔɡa taa. Ate, mɛɛ pɛɛre a waa.

Nɛra Kura 31:8

Ba kpoo Midian koranar banue ja nɛra baa kpoora la ta. Banee koranar baa dɛ yer ba Evi ne Rekem ne Sor, ne Hur dɛ Reba. Ba kpo Beɔ bibaa Balam ɡe tokobii ne.

1 Kɔrent 4:2

Waa aa chɛ nɛn baa kpɔ waa do o nɔn ta laanee kɛŋɔ o ɡel o waa dɔ kasinteŋ.

2 Kɔrent 2:17

Nɛra kɛrɛdɛ kpɔ Korowii waa la berɛ bona dii dɛ yoɡ dɛɛ di. Ba laa yan. Korowiirii tɛ yaa waa nɔ ŋɔ yáa bola, ásɛ yaa bola o siwi ta bambile bwa ne, pɛɛ ya ne Yeesu Kristo aa pɛa la nomanta.

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

1 Timoti 1:12

N dɛ jam ya Dɔɔ Yeesu Kristo waa tɛ mɛ o kpeɡri la kɛ waa yarada mɛ dɛ kpɔ o toma nɔ do n nɔn ta nɔ.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.