Sɛɡla 12:25 - mzwDBL

²⁵ Waa liira kohona do kɛŋɔ bone ken, asɛ wobodɛɛɡa ɡe ɛɛ sɔɔh baah.

Sɛɡla 12:25 ပူးပေါင်းရင်းမြစ်များ

Yela 38:6

N weweele ɡwaa n nɛ, a ɡel maa won che, dɛɛ wi tɔpebir bwa kɛŋɔ, nɛn waa dɛ ɛ lwe ken.

Yela 42:11

Ɛrɛɛ tebinichɔɡ su n bwa ken? Ɛrɛɛ n bambile chɔɡ ken nɔɔ? N kpɔ n hwɛɡa bwa dawɛ hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee n Lɛɛ.

Sɛɡla 12:18

Nɛra baa dɛ bol waa baa wola liire a ta do la, ba wobol dɛ we kɛŋɔ nii ken, wejereme wobol dɛ larawe bwara.

Sɛɡla 12:26

Nɛn o wa aa toɡraa dɛɛ tɛ o dɔŋ liidɛɛɡa, nɛnchɔɡee dɛɛ neɡre o dɔŋ.

Sɛɡla 14:10

Nomɛlbwa toole dɛ jemɛ waa aa dɛ ha o dɔŋ, kɛɛ ɡɛ o silɛɛ aa doa.

Sɛɡla 15:13

Nɛn sie lɛo waa, o dɛ mamɛ, o loo kuu tenaa, o bambile dɛ chɔɡ.

Sɛɡla 15:15

Nɛra baa lɔ wahala ta la soɡa bini aa were, kɛ nɛra ba sie aa dɛ lɛ la, do kɛŋɔ baa dɛ di kondikonjena saŋ bɛlbwa ken.

Sɛɡla 15:23

He chaŋe waa aŋwɛnɛ ta naa, a dɛ ba silɛɛ ne dɛɛ tɛɛ. Waa bola a saŋ ta wer ɡa.

Sɛɡla 15:30

Dɔŋa be mama dɛ́ ba silɛɛ ne, asɛ amanesoma ɡe ɛɛ ba bokpeɡa ne.

Sɛɡla 16:24

Wobodɛɛɡa do kɛŋɔ tohnoo ken, a som nyoa ta dɛɛ tɛ bokpeɡa ɡe.

Sɛɡla 17:22

Silɛɛ dɛɛ tɛ bokpeɡa, asɛ lokua ɡee sɔɔh nɛn.

Sɛɡla 18:14

Liire haa dɔ he weela ta kɛŋɔ hɛɛ ɡbaŋroo la, dɛ ɛ ɡɛ, dɛ he ta ɡɛ liire dɔe yaa, dɛ hwɛɡa toole.

Sɛɡla 25:11

Wobol aa wera dɛ maɡre la, do kɛŋɔ suuɡaswɛm baa kpɔa di suuɡapoŋ ɡwini ken.

Sɛɡla 27:9

Konsɔɔhsoma sɔɔh ɡelɔ nɛn sie ɛɛ lɛ, ɡɛɛ dansom tenten ɡe liire waa tɛɛ la do.

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Sekaria 1:13

Belaa Korowii bol wobodɛɛɡa ne bolarawa waa o nyundua torome n ne waa bol waa la be.