Sɛɡla 12:24 - mzwDBL

²⁴ Nɛn waa dɛ ɛ toma kohonaa dɛɛ dɔ nomonome, bɔhwaahree dɛɛ do nɛn lɔɡa, baa doo tomkpeɡa ta.

Sɛɡla 12:24 ပူးပေါင်းရင်းမြစ်များ

Mumpar 49:15

o nao kɛŋɔ bela waa dɛ ba ona la ɛ bodɛɛɡe asɛ silɛɛ do bela aa, wɛɛ kpɔ vaamaa lɛa, dɛ́ kpɔ o te tɛ tomkpeɡa.

1 Koranar 11:28

Dɛ Jɛroboam ɛ bonɔɔ he kpɔ toma do o nɔn ta naa, ó won ɛa kɛrɛdɛ, Kooro la aa na ɡɛ o toma ɛɛ aa doa la, o kpɔɔ chɔ Manasɛ ne Efrem deene tom-ɛɛra baa dɛ ɛ tomkpeɡa nyoa.

1 Koranar 12:20

Baa noa kɛŋɔ Jɛroboam berɔ le Ijipt harɛ ta ba la, ba tomɛ nɛra ba ka kpɔɔ ba ba baah ta, dɛ ba cheɡo Israel harɛ ta bwa kooro. Juda dea tena ɡboo teŋɛ Kooro Devid luɡe tena nɛ.

1 Koranar 9:21

ba naanaree kaa Israel tena aa wola wone kpoo ba. Banee Kooro Solomɔn ɛɛ ba yoma baa ɛ tomkpeɡa Israel harɛ ta ba le fini.

Sɛɡla 10:4

He dɛ ɛ bɔhwaah aa, nyae hɛɛ nya, kɛ dɛ he dɛ ɛ toma tenaa, kwaa hɛɛ dɔ.

Sɛɡla 12:27

Nɛn waa ɛ bɔhwaah la, waa o tetoo kwaa dɔ, kɛ nɛn o sie aa wola on hwah la o dɛ dɔ kwa.

Sɛɡla 13:4

Bɔhwaah bɛlbwa aa o konnyini dɔ, kɛ nɛn waa dɛ nyin toma te, o dɛ dɔ kon waa dɛ nyin.

Sɛɡla 17:2

Yom waa jemɛ waa la, dɛ nyiŋi o dɔɔ bie o wa aa wola kɛrɛdɛ doe nɛ, o dɛ dɔ kapɛrɛ kwaa aa ɛ bii la kwaa la ane.

Sɛɡla 19:15

Bɔhwaahree dɛɛ chɔ dom kohona, ɡɛɛ nɛn waa wola waane ɛɛ nyin la ɡe ɛɛ chɔ lɔr.

Sɛɡla 22:13

Bɔhwaahree yon ŋɔ, “Nyujente lɔ dahare!” Kɛɛ, “O ken ɛɛ kpo mɛ fɔɡbaahnaa!” dɛɛ so dem.

Sɛɡla 22:29

Nɛn waa jemɛ nɔn toma kɛrɛdɛ la, koranar tomaa wɛɛ ɛ, waa nɛnsale toma ɛ.

Sitɔɔla 1:28

Israel tena aa baa dɔ kpeɡri la, ba ɡelɔ Keenan tena la ɛɛ ɛ tomkpeɡa, kɛ ba ta ban doŋe le kwaraa.