Sɛɡla 12:23 - mzwDBL

²³ Wejereme dɛ tɔ o wejemwaa ta, ɡɛnee dɛɛ pili o ɡɛnewaa ta dɛɛ tɛ nɛra.

Sɛɡla 12:23 ပူးပေါင်းရင်းမြစ်များ

Nehemia 2:12

baala tama banee ja n nɛ, n ne ba ir jwaana. N ta waa Korowii aa kpɔa do n liire bini ŋɔ ń ɛ Jerusalam la bolɛ baɡle nomɛlbwa, keeɡo maa soɡe o ta ɡboo, ane ta jae kpa.

Nehemia 2:16

Nomonome baa lɔ bwɛjen la ta, ta bela maa laŋa kɛɛ waa maa dɛ ɛ jemɛ. Dɛ n ta wobɛlbwa n bala Juu tena, ne sɔfore ne nomonjena ne nomonome, dɛ nomɛlbwa waa dɛ ba jae dɛ́ ɛ toma la be bolɛ.

Sɛɡla 10:14

Wejereme dɛ hweli wa, dɛ kpɔ dɛɛ do o nyu bini, kɛ nɛn waa ɡɛna wobol te, dɛ ba waa ne.

Sɛɡla 10:19

Wobobala te bɛlbwa dɛ koni, asɛ nɛn waa won o nyoa lawa la jemɛ wa.

Sɛɡla 11:13

Nɛn waa dɛ ŋwalɛ nɛra aa won waa ta tɔ, kɛ nɛn nɛra aa dɔ hwɛɡa o nɛɛ te dɛ tɔ wobɛlbwa ta.

Sɛɡla 13:16

Wejereme bɛlbwa dɛ lii waa mɔɔ dɛɛ ɛa, kɛ ɡɛne te ɡelɔ baa na o ɡɛna.

Sɛɡla 14:33

Nɛn waa dɔ liiree dɔ wejema, ɡɛnee wola wejema liire dɔe.

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Sɛɡla 18:2

Gɛne waane laa waa mun noe, o waa bwaa kɛŋɔ o ɡe baɡle o wejema.

Sɛɡla 29:11

Gɛnee dɛɛ baɡle o bandia nɛra baah ta, wejeremee dɔ bambile dɛ won o te lawa.

Wejereme 10:3

Hale o kpɔ ŋwɛnɛ ta dɛɛ kaa kwaraa naa, o ta liire bɛlbwa dɔe, a ɡel nɛra bwa na o ɡɛna waa ɡɛna.

1 Samoɛl 10:16

Anee Sɔɔl ŋɔ, “Samoɛl ɡelɔ ya jemɛ kɛŋɔ ba na keeɡore la.” Kɛ o ta kara dii waa Samoɛl aa bola la te baɡlɛ.