Sɛɡla 12:13 - mzwDBL

¹³ Nɛnchɔɡe nyoa wobolee dɛɛ lawɔ, kɛ nɛn o wa aa toɡra te dɛ́ le wahala ta.

Sɛɡla 12:13 ပူးပေါင်းရင်းမြစ်များ

Mumpar 48:16

Korowii torome waa lee mɛ le n wenaale bwa ta la swee bii nɔ andɛɛɡa. Korowii ɡel n sɔn ne n mɛɛ Abraham ne Aesek sɔn teŋɛ ba nɛ. Korowii ɡel ba dɔ bii ne naanar kohona.”

2 Samoɛl 4:9

Ate, Kooro Devid chaŋe Remɔn bibaala Rekab ne Baana ŋɔ, “N ŋwɛɛ Korowii waa lole saŋ bɛlbwa dɛ lɛɛ mɛ le n wenaale bwa ta,

1 Koranar 2:23

Ate, Kooro ŋwɛɛ Korowii ŋɔ, “Dɛ Adonija ta o nyu kpɔe bol o wesoŋa nɔ wa aa, Korowii tɛr n deŋne kohona ɡɛ bwa aa chɛa.

Yela 34:19

Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,

Yela 34:20

Korowii dɛ nyiŋi ba nɛɛ kɛrɛdɛ, ba hoɡ beŋkpoŋ kwara aa ku.

Yela 5:6

He dɛ chɔɡ nɛra baa dɛ teŋe nyosone, he hah nɛra baa dɛ kpoo nɛra, ne nɛra baa dɛ neɡre nɛra.

Yela 59:12

Wechɔɡa su ba nyoo, che ba nyoa wobol ta dɛ́ ɡel ba laɡ ba ba mbarafo baa dɛ ɛ ta. Koh nyosone ne taahna baa dɛ taah nɛra la wa,

Yela 59:13

dɛ́ chɔɡ ba he bandia ne, ka tel kɛŋɔ ba bwa aa tona. Ásɛ nɛra baa lɔ harɛ jaɡa bwa jemɛ kɛŋɔ hen Korowii, he dɛ di kora Israel tena nɛ.

Yela 64:8

Wɛɛ ɡeloo ba vɔrɔwa la bwa ɡure ba nyu ta, ásɛ nɛra na ba dɛɛ viiɡi ba nyuune, dɛɛ mam ba.

Sɛɡla 10:8

Wejereme dɛ́ no jae, kɛ nɛn waa dɛ bol ɡɛnewaa te waa dɛ ɛ pɛɛpɛɛ.

Sɛɡla 11:8

Korowii dɛ lɛ nɛn o wa aa toɡra dɛɛ le wahala ta, a yon berɛ ba nɛnchɔɡe nɛ.

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Sɛɡla 18:21

Nyoa wobol dɛ ba seo ne mkpa ne. Anomanta, nyiŋi he nyoa wobol bini kɛrɛdɛ, dɛ bɛ waa dɔ.

Sɛɡla 21:23

He jemɛ he nyoa lawa aa, haa waa dɔ.

Sɛɡla 6:2

amɔ dɛ he nyobaɡa la ɛ bel dɛ tɛɛ, waa haa bola la harɛ bel.

Wejereme 7:18

Lawɛ a bwa bini kpoŋe, dɛ bɛ ɡel bɛlbwa le he nɔn ta. Naate waa dɛ ɔmɛ Korowii ɛɛ won le ɡɛ waa nɔ bwa nyoa.

Daneɛl 6:24

Ate, Kooro Dareɔs ɡel ba ka kpɔ nɛra baa haŋɛ Daneɛl nyoa la ba tɛo, asɛ o ɡel ba kpɔ ba ne ba haahna, ne bii bwa ka do nyujentena bɔɔ la bini. Baa wola bɔɔ la mun ta tele mɔɔ kwara la, dɛ nyujentena la toɡri ba bini, dɛ paɡre ba hoɡa bwa.

Matiu 27:25

Anee nɛra la ŋɔ, “Ɔɔh, hé te ɡel o seo wobɛlbwa dawɛ ya ne ya naanar nɛ!”

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.