Sɛɡla 11:24 - mzwDBL

²⁴ Nomɛl nɔn dɛ pili kɛ dɛ ta ɛɛ dɔ, asɛ bɛl ɡe nɔn aa pili kɛ dɛ ɡe nya.

Sɛɡla 11:24 ပူးပေါင်းရင်းမြစ်များ

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Amanesoma Luk Aa Chwera Tɔn 6:38

Hɛ́ɛ tɛ dɔŋa kwa, ásɛ Korowii ɡee tɛ heya a do kan kohona. Korowii dɛ ba he tɛɛ yaa, wɛɛ maɡaa, dɛ́ jwiira, dɛ́ ɛɡra a jo kɛrɛdɛ, dɛ́ su porrr ken dɛɛ ta. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.”

Mmarare 15:10

Bɛ on nyubinikpeɡ ɛ, ta tea dɛ́ kpɔ tɛo pɛɛpɛɛ, ásɛ Korowii ɡel he dɔ andɛɛɡa wobɛlbwa haa dɛ ɛ ta.

Yela 112:9

Waa nɔn nyore, o dɛ tɛ nyaara tɛɛ tenten, o wedɛɛɡa ɛɛ ta jaɡa dɔe, wɛɛ di kpeɡrii dɛ dɔ jirima.

Wejereme 11:6

Hɛɛ du kwaa yaa, he dua chɔɔ dɛ bɛ so pɛɛpɛɛ jɔmɔra ɡe. Haa won jemɛ anɔ la aa do wer, chɔɔ kɛɛ jɔmɔra kwaa laanee yoo. A laa ɡe aa, a bwa ken ɛɛ won do wer.

Haɡae 1:6

He dɛ du kwaa kohona, kɛ tamaa kenii hɛɛ komɛ, dɛɛ di kwa kɛ haa vaɡɛ. He dɛ nyɔ sen kɛ aa kanɛ dɛ́ dɛɛ heya, dɛɛ tɔ yale kɛ waa ɡarɛ dɛɛ kpo heya. He ɛ toma dɛɛ dɔ suuɡa, kɛ aa heyaa le.”

Sɛɡla 11:18

Wechɔɡ-ɛɛ koeh aa tɔnɔ bɛlbwaa dɔ tɛo, nɛn o wa aa toɡra dɛ́ dɔ kɛrɛdɛ.

Sɛɡla 28:8

Nɛn waa dɛ kemɛ nɛra suuɡa, dɛ lɛ a nee kohona dɛ dɔ kondɔɔh la, o lɛa dɛɛ tɛ nɛn waa dɛ na nyaara sum.

Sɛɡla 11:23

Nɛn o wa aa toɡra konnyini ɛ wedɛɛɡa, kɛ kon wechɔɡ-ɛɛ aa dɛ hwɛɡɛ o waa la, o dɛ ba bandia ne.

Sɛɡla 11:25

Dɛɛ pili nɔn ásɛ wobɛlbwa do wer tɛɛ, dɛɛ cha banfala ásɛ ba cha he ɡe.

Sɛɡla 13:7

Nɛra bane dɛ ɛ ba te kɛ dɔɔhna, kɛ dɛ komɛlbwa toole ba be, bane ɡe ɛ ba te nyaara, kɛ dɛ dɔɔhnaa ban.

Sɛɡla 28:27

Nɛn waa dɛ cha nyaara la, komɛlbwa aa on nya, kɛ nɛn waa laa sie dɛɛ kpɔ ba nɛɛ la, dɛ́ dɔ nyotaahna taeh!

2 Webena 31:10

asɛ Sɔfonomoa Asaria waa ɛ Sadɔk lole la chaŋe ŋɔ, “Dɛ le saŋ nɛra la aa pa mun kpɔ koŋkɛɛla dɛɛ ba Korowii Dea bonɔ la, ya dɔɔ dɛɛ di, ásɛ ane ka chɔ warɛ, dɛkalkɛ Korowii swee o nɛra andɛɛɡa, asɛ andamanta nɔ ta ka dɛ daŋɛ chɔ la.”

Malakae 3:8

N dɛ bɔɔ heyaa ŋɔ a wer kɛŋɔ nɛn ŋwɛ men Korowii aa? Kɛ he dɛ ŋwɛɛ mɛ. He dɛ bɔɔ ŋɔ, ‘Bɔkwa taa yaa ŋwɛɛ nɔ?’ Kwaa haa bɔne a bini bɔre fi, dɛ kpɔ bɔrbeŋkpoŋ baa tɛ mɛ, ne saraha kwaa taa hɛɛ ŋwɛɛ mɛ.