Sɛɡla 10:31 - mzwDBL

³¹ Nɛn o wa aa toɡraa dɛɛ bol nɛmbiwa, kɛ nɛn o nyondoŋe aa bar o nyu te waa dɔ jaɡa.

Sɛɡla 10:31 ပူးပေါင်းရင်းမြစ်များ

Yela 12:4

A ɡɛ nɛra la dɛ ŋɔ, “Ya nyoa ɛɛ yoo tɛ yaa. Yaa bol anɔ la yaa dɛ nyinii. Nomɛlbwa toole dɛ́ tɔ yaa ŋwɛnɛ.”

Yela 31:18

Gel nyosonteŋna la nyoa sɔɔh, mbarafo tena baa wola waa bu, dɛ bol wobochɔɡa dɛɛ yaɡɛ nɛra ba wa aa toɡra la.

Yela 37:30

Nɛra ba wa aa toɡra nyoa wejemwaa do, ba nyoa waa aa wera ne kasinteŋ do.

Yela 63:11

Korowii aa ɡela kooro pɔ o dɔma nɛɛ nomanta, o sie ɛɛ lɛo. Nɛra baa dɛ yerɛ Korowii sɔn bwa ɛɛ kpɛɛroo, kɛ nyosonteŋna te, wɛɛ tɔ ba nyoo.

Sɛɡla 10:11

Nɛn o wa aa toɡra wobol dɛ́ ba mkpa ne, kɛ nɛnchɔɡe te mur, waa yoi waa bol á le baŋ.

Sɛɡla 10:13

Wejereme wobol binii wejema do, kɛ ɡɛne te, lɔɔraa baa lɔɔro.

Sɛɡla 17:20

Nɛnchɔɡe waa kpɔ waa dɛɛ perɛ, aa andɛɛɡa dɔ, ɡɛɛ nɛn o nyondoŋe aa bar o nyu la ɛɛ na wa.

Sɛɡla 31:26

O dɛ bol wejemwa, dɛɛ baɡle waa aa ɛ kasinteŋ.