Sefania 3:20 - mzwDBL

²⁰ Saŋ bɛl dɛ ba ásɛ n boa he nɛra baa peɡra nyoa, dɛ́ ba ba ne dem. Mɛɛ ɛ heyaa nɛnjenaa, ásɛ harɛ nɔ ta nɛra bwa kpɛɛ heya, dɛ́ ɡel he berɛ dɔ kondɔɔh ja. Men Korowiirii bola.”

Sefania 3:20 ပူးပေါင်းရင်းမြစ်များ

Jeremia 29:14

Kasinteŋ, hɛɛ na mɛɛ, ásɛ n lawɛ heyaa le Babelɔn harɛ haa kaa so o ta la ta, dɛ́ berɛ ba he ne he buɡ ta Jerusalam. Mɛɛ boa he nyoa le harɛre maa lɔ heyaa peɡre a ta la ta, dɛ́ berɛ ba he ne harɛ maa le he ne o ta kaa harɛfala ta la ta. Men Korowiirii bola.”

Malakae 3:12

Anee dɛ́ ɡel harɛre ta nɛra bwa yerɛ heyaa bosɔɔhna tena, dɛkalkɛ he soɡe harɛdɛɛɡe ta. Men Koranar Bwa Kooroo bola.”

Aesaya 56:5

baa dɔ komɛl waa ɡwaa bibaala ne bihaahnaa. Mɛɛ ɡeloo ba sɔn ka n Dea, dɛ́ do le saŋ bɛlbwa, bá kpɔ dɛɛ liiru.”

Sefania 3:19

Saŋ bɛl dɛ ba ń tɛr nɛra baa dɛ do heyaa hɔhɔrɔwa la deŋne. Mɛɛ lɛ banɔ la ba peri aa serewaa, dɛ́ berɛ ba banɔ baa laɡ ba kaa harɛfala ta la ne dem. Mɛɛ ɡeloo banɔ la ba fa aa di sihiih la berɛ dɔ duure, ásɛ harɛ nɔ ta nɛra bwa kpɛɛ ba.

Emɔs 9:14

Mɛɛ berɔ ba n nɛra Israel tena baa laɡ ba laa ta kaa bojaŋ harɛfale ta la nee, bá ba kwaa vɔrɔwe dimɡbeeni dɛ́ so a bini. Baa parɛ daa koonii, dɛ́ nyɔ a sen, dɛ́ parɛ bodɛɛɡa, dɛ́ di kondikwa baa parɛ la.

Joel 3:1

Korowii ŋɔ, “Saŋ maa lea cheɡ la telo aa, mɛɛ ɡeloo Juda harɛ ne Jerusalam tena wobɛlbwa berɛ do wer tɛɛ ba.

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Aesaya 60:15

Jerusalam, ba fa haeh dɛ vɛɛh, nomɛlbwa aa he ta kpɔ. Kɛ mɛɛ ɛɛ he do wer kɛŋɔ, bwɛjen waa soma tɛ nɛra saŋ te bɛlbwa dɛɛ la.

Sefania 2:7

Juda tena baa ka la ɛɛ ka so belaa, ó berɛ ba kondɛɛra dibɔr, ásɛ jɔmɔra telo aa, bá ka chɔ bwɛjen Askɛlɔn deene bini. Korowii baa dɛ tomɔ laanee dɛ́ nyiŋi ba nɛ, dɛ́ ɡel ba do wer, ɡɛ ba fa aa doa wubwa la.

Ɛsekeɛl 39:28

Belaa baa ba jema kɛŋɔ, menee Korowii baa dɛ tom mɛ la. A lole kɛŋɔ n doŋ ba kaa bojaŋ harɛfala ta te, kɛ mɛɛ boa ba nyoaa, dɛ́ ba ba ne ba ɡbaɡba harɛ ta, maa bɛlbwa habɔɔ ta.

Ɛsekeɛl 37:21

dɛ́ ŋɔ men Nemenɛ Korowii ŋɔ, ‘Mɛɛ lawɛ n nɛra Israel tenaa le harɛre baa chwaa ka so a ta laanee. Mɛɛ boa ba nyoa le bela bwa baa lole, dɛ́ berɛ ba ba ne ba ɡbabir harɛ ta.

Ɛsekeɛl 28:25

Nemenɛ Korowii ŋɔ, “N baa boa Israel tena maa lɔ ba peɡre harɛre ta bwa nyoa tonaa, harɛre nɛra bwa ɛɛ jemɔɔ kɛŋɔ n do ɡoroŋ. Israel tena ɛɛ so ba ɡbaɡba harɛ maa kpɔa tɛ n bonɔɔ Jekɔb la taa.

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.

Aesaya 61:9

Ba sɔn ɛɛ leo harɛre nɛra bwa bini, ásɛ nomɛlbwa waa na ba jemɛ kɛŋɔ banee n swee andɛɛɡa tɛ.”

Yela 35:6

Gel biro ba tɔ ba ŋwɛnɛ ta o do vɔle, Korowii nyundua torome la teŋɛ ba nɛ.

Ɛsekeɛl 37:12

Anomanta, bol waa aa dɛ ba ba nɛɛ bala dɛ́ ŋɔ, men Nemenɛ Korowii ŋɔ, ‘N nɛra Israel tena, n dɛ ba he ŋwama pila, dɛ́ lawɛ heyaa le, dɛ́ berɛ ba he ne Israel harɛ ta.

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Ɛsekeɛl 16:53

Korowii ŋɔ, “Jerusalam tena, mɛɛ ɡeloo he na som, mɛɛ berɔ ɡel Sodom ne Samaria tena ɡe na som, dɛ́ ja he nɛ.

Aesaya 62:7

Baa ɡel Korowii onɛ bwa ka tel kɛŋɔ, waa bera kwaa vɔrɔwe hen Jerusalam. Wɛɛ ɛɛ bwɛjen nɛra bwa kpɛɛre harɛ nɔ ta.

Aesaya 56:8

Nemenɛ Korowii waa tɔ Israel tena sie dɛ le ba ne bojaŋ harɛfale ta la ŋɔ, “N ta ɛɛ ba bane ɡe nee, ba ba ja ba nɛ.”

Mmarare 26:18

Fini Korowii sɛoh kɛŋɔ o ɡbaɡba nɛraa heya he waa ɛɛ su o siwi, ɡɛ waa baɡɛ heyaa nyoa wubwa la, dɛ ŋɔ hé teŋɛ o waa waa do heyaa a ta,

Mmarare 26:19

dɛ berɛ ŋɔ wɛɛ ɡɔɔ heyaa dɛ́ ɡel he sɔn le ɡwaa harɛre nɛra waa ta ba bwa. Dɛ berɛ ŋɔ wɛɛ ɡeloo he do ɡoroŋ tɛo, ɡɛ waa baɡɛ heyaa nyoa la.”

Jeremia 30:3

Tɔpera ane dɛ ba, ásɛ n lawɛ n nɛra Israel ne Juda tena le harɛfala ta, dɛ́ berɛ kpɔ ba ba harɛ maa kpɔa tɛ ba naawa ŋɔ ba konee la ta. Men Korowiirii bola.”

Ɛsekeɛl 39:13

Nomɛlbwa waa lɔ harɛ la ta la ɛɛ jao dɛɛ huɡ ba. Awola tɔpere la, baa tɛ mɛ jirimaa, ásɛ o ɛ tɔpere baa kpɔ dɛɛ lii a ɡɛ waa nɔ. Men Nemenɛ Korowiirii bola.

Sekaria 8:8

Mɛɛ berɔ ba bane ba so Jerusalam, ásɛ ba ɛ n nɛra, n ɡe ɛ Korowii baa dɛ tom mɛ, ásɛ n nyiŋi ba nɛɛ kasinteŋ ne waa aa toɡra ne.

Jeremia 23:3

N ɡbabir ɛɛ boa ba bwa nyoa, dɛ́ le harɛre maa lɔ ba peɡre a ta la ta, dɛ́ berɛ teɡ ba ba harɛ baa dɔ kpɔɡa dɛɛ chwe ta. Baa loɡle biirii warɛ, ásɛ dɛ ya kohona.

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Maeka 2:12

Israel tena, mɛɛ boa he bwa nyoa, kasinteŋ, mɛɛ boa he nɛra haa kaa la bwa nyoaa. Mɛɛ boa he nyoa kɛŋɔ peera yon pɛ do leɡ ta, kɛɛ kondɛɛra yon warɛ do dibɔr la. Gɛ tentenee mɛɛ ba ɡela nɛra su harɛ la ta kohona.”

Maeka 4:7

Mɛɛ ɡeloo boobie ka, dɛ́ le nɛra baa doŋ ba le harɛfale ta ba la, berɛ warɛ kohona dɛ́ do kpeɡri. Men Korowii ɛɛ di kora ba nɛɛ le awola, ne saŋ bɛlbwa dɛɛ la Saayɔn Bwejen waa lɔ Jerusalam.”

Sekaria 8:13

Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”