Sefania 3:19 - mzwDBL

¹⁹ Saŋ bɛl dɛ ba ń tɛr nɛra baa dɛ do heyaa hɔhɔrɔwa la deŋne. Mɛɛ lɛ banɔ la ba peri aa serewaa, dɛ́ berɛ ba banɔ baa laɡ ba kaa harɛfala ta la ne dem. Mɛɛ ɡeloo banɔ la ba fa aa di sihiih la berɛ dɔ duure, ásɛ harɛ nɔ ta nɛra bwa kpɛɛ ba.

Sefania 3:19 ပူးပေါင်းရင်းမြစ်များ

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Jeremia 30:16

Kɛ taraken, nomɛlbwa waa dɛ nyin he chɔɡa la mɛɛ chɔɡoo, ásɛ ba lawɛ he dɔma bwa kaa harɛfala ta. Nɛra baa dɛ fiiɡi heya la, baa fiiɡi ba ɡee, ba pa he laala kaa laa, baa pa ba ɡe laalaa.

Sefania 3:15

Korowii ɡel he deŋne tɛra, dɛ le he dɔma bwa ne. Korowii waa ɛ Israel kooro la ja he nɛ. Komɛlbwa toole he ɔmɛ kpa.

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Aesaya 61:7

He sihiih ne ncho haa dia bwa tonɔ. Hɛɛ so he ɡbaɡba harɛ taa ásɛ he kondɔɔh warɛ kohona, he silɛɛ aa jaɡaa dɔ.

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Hibru 12:13

Hé ɡel he we-ɛɛla toɡre ásɛ he bala baa ɡwɛɡra Korowii nɛɛ teŋa ta dɛ do kɛ nɛn waa dɛ duɡri la bɛ he ŋwɛnɛre aa wola toɡrɛ la ta kpɔ dɛ ba lɔ na. A chɛ kɛ he toɡre he ŋwɛnɛre ásɛ ba kpɔ a ta dɛ́ dɔ bokpeɡa.

Aesaya 60:18

Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.

Ɛsekeɛl 39:26

Baa soh ba sihihwaa ne kasinteŋ bɛ dɔe dɛ tɛ mɛ ɡɛ saŋ baa soɡe deŋnesɔɔhna ta ba harɛ ta, nomɛlbwa aa wola ban aah la.

Wepila 20:9

N na ba ba wur ba tɔ harɛ bwa, dɛ bar bwɛjen Korowii aa dɛ nyinu o nɛra do o ta la. Asɛ nii le nyundua, dɛ ba le ba nɛɛ dɛ fuh ba bwa kwaraa.

Jeremia 46:28

N nɛra Israel tena, mɛɛ ja he nɛɛ dɛ́ lɛ heya, mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ aŋwɛnɛ taa mɛɛ ba he deŋne tɛra. Men Korowiirii bola.”

Aesaya 62:7

Baa ɡel Korowii onɛ bwa ka tel kɛŋɔ, waa bera kwaa vɔrɔwe hen Jerusalam. Wɛɛ ɛɛ bwɛjen nɛra bwa kpɛɛre harɛ nɔ ta.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Jeremia 31:8

Mɛɛ laɡ baa le weekaŋle nyunduabɔr, dɛ́ boa ba nyoa le harɛ jaɡa. Nyoŋa ne banɔ la ba peri aa serewa, hale tekpoŋra, dɛ banɔ la lol tea aa lɔ ba bwa, nɛnlaa tentenee dɛɛ ba bera ba.

Ɛsekeɛl 16:27

Anomanta, n nɔn dawɛ he nɛ, n lɛ he harɛ maa sweera dɛ kpɔ tɛɛ la pera, asɛ dɛ kpɔe do he dɔma Filisti tena baa hah waa haa dɛ ɛ nɔ nɔn ta.

Ɛsekeɛl 16:57

mɔɔ he wechɔɡa la bwa le baŋ. He berɔ do kɛ on, hale Edom ne Filisti bihaahna bwa, dɛ nɛra baa soɡa bare bwa, dɛ haeh.

Ɛsekeɛl 39:13

Nomɛlbwa waa lɔ harɛ la ta la ɛɛ jao dɛɛ huɡ ba. Awola tɔpere la, baa tɛ mɛ jirimaa, ásɛ o ɛ tɔpere baa kpɔ dɛɛ lii a ɡɛ waa nɔ. Men Nemenɛ Korowiirii bola.

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Mmarare 26:19

dɛ berɛ ŋɔ wɛɛ ɡɔɔ heyaa dɛ́ ɡel he sɔn le ɡwaa harɛre nɛra waa ta ba bwa. Dɛ berɛ ŋɔ wɛɛ ɡeloo he do ɡoroŋ tɛo, ɡɛ waa baɡɛ heyaa nyoa la.”

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Jeremia 30:19

Nɛra baa soɡe bela ɛɛ ɡo kpɛɛra yelaa, dɛ́ do lɔŋɔre dɛɛ hɛɡre. Mɛɛ swee ba andɛɛɡaa, dɛ́ ɡel ba mun ya, ásɛ dɛ dɔ duure.