Sefania 3:11 - mzwDBL

¹¹ Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Sefania 3:11 ပူးပေါင်းရင်းမြစ်များ

Yela 131:1

N Naa Korowii, n ɡel mbarafo ɛɛ, maa n te ɡɔɔ kpa. N liire toole wejena kɛɛ nyokpowa aa ɡwaa n nɛɛ ta.

Yela 49:5

Dɛ wenaale balɔ, n dɔma bar mɛ cheme, kwaraa naa, maa ɔmɛ.

Yela 59:12

Wechɔɡa su ba nyoo, che ba nyoa wobol ta dɛ́ ɡel ba laɡ ba ba mbarafo baa dɛ ɛ ta. Koh nyosone ne taahna baa dɛ taah nɛra la wa,

Aesaya 11:9

Nɛra aa ba dɔŋaa kpo kɛɛ dɛ chɔɡ komɛlbwa kpa, Korowii Bwejen waa do ɡoroŋ la ta. Nɛra ɛɛ jemɛ Korowii harɛ la bwa taa, kɛŋɔ mpo aa yɛɛra la ken.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Aesaya 5:15

Anomanta, sihiih ɛɛ kpo mbarafo tenaa, dɛ́ ba nomɛlbwa ne harɛ.

Aesaya 54:4

Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Aesaya 56:7

“Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Aesaya 61:7

He sihiih ne ncho haa dia bwa tonɔ. Hɛɛ so he ɡbaɡba harɛ taa ásɛ he kondɔɔh warɛ kohona, he silɛɛ aa jaɡaa dɔ.

Jeremia 13:9

“Gɛ kiriso la aa chɔɡa la, ɡɛ tentenee mɛɛ ba Juda ne Jerusalam tena baa dɛ ɛ mbarafo la chɔɡa.

Jeremia 7:4

He bɛ nɛra baa dɛ teŋe nyosone nɛɛ teŋɛ kɛŋɔ baa dɛ bol ŋɔ he dɔ deŋnesɔɔhna la. Ba yon ŋɔ, Korowii Dea laanee la! Korowii Dea laanee la! Korowii Dea laanee la!

Ɛsekeɛl 20:40

Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Ɛsekeɛl 24:21

o dɛ ba o Dea haa dɛ ɛ mbarafo dɛɛ maŋkura he te o waa la chɔɡa. O wer he sie ta hɛɛ nyinu. Wɛɛ ɡeloo ba kpoo he bibaala ne bihaahna haa ɡel ba habɔɔ Jerusalam la laa ta.

Daneɛl 9:16

N Naa Korowii, ɡɛ aa cheɡɛ he we-ɛɛla aa toɡra ta he cha yaa wubwa la, laa he bwaawee ne bandia kohona la kpɔ he bwɛjen Jerusalam, he Saayɔn Bwejen la ta. Ya ne ya naawa wechɔɡaa ɡela nɛra baa soɡa bar yaa la ɛɛ mamɛ Jerusalam ne he nɛra.

Daneɛl 9:20

N ta teŋɔ dɛɛ soŋe, dɛɛ bol n ne n nɛra Israel tena wechɔɡa wa, dɛ kpɔ bil Korowii maa dɛ tomɔ sie ŋɔ, ó berɛ kwaa o Dea waa do ɡoroŋ la cheɡ.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Nɛra Kura 16:3

Ba pɛo dɛ la Mosis ne Arɔn be dɛ ŋɔ ba be ŋɔ, “He dɛ lii kɛŋɔ he ɡwaa nomɛlbwa kɛɛ? Israel te bɛlbwa ɛ Korowii nɛra, o ja ya bwa nɛ. Ɛrɛɛ he ɡbo ɛɛ lii kɛŋɔ he ɡwaa Korowii nɛra bwa nɔɔ?”

Matiu 3:9

He bɛ dɛɛ lii kɛŋɔ haa ɛ Abraham naanar la ɡbo ɛɛ wonoo ɡel he chwa Korowii bandia la. Kasinteŋ, Korowii ɛɛ wonoo ɡel bwea nɔ beɡre Abraham naanar.

Tɔn Pɔɔl Aa Chwerɛ Rom Tena 2:17

Asɛ he naate haa dɛ yerɛ he te Juu te, dɛ kpɔ he sie dawɛ Mosis Mmara la ta dɛ kpɔ Korowii dɛɛ ta nyoa la ɡe sɛ?

Tɔn Pɔɔl Aa Chwerɛ Rom Tena 9:33

O waa ba chwerɛ Korowii Tɔn bini la. Ba chwerɔ ŋɔ, “Mɛɛ kpɔ Bwee cheɡ Saayɔn, ásɛ nɛra ɛɛ lɔ naa o ta dɛɛ choɡli. Kɛ nomɛlbwa waa yaradao la, sihiih aa o kpoe ba.”

1 Pita 2:6

Ba chwerɛ Korowii Tɔn bini ŋɔ, “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn o lawɔ kpoŋe kiŋkiŋ. Nomɛlbwa waa dɛ yaradao la, waa sihiih di bwa.”