Sefania 2:9 - mzwDBL

⁹ Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”

Sefania 2:9 ပူးပေါင်းရင်းမြစ်များ

Aesaya 11:14

Baa pɛo dɛ́ lɔ ka tɔ Filisti tena baa lɔ wee cholibɔr nɛɛ dɛ́ yoo ba, dɛ́ ka kah banɔ la baa lɔ wee leebɔr la ɡe laala kɛ laa ta kwa, dɛ́ kpɔ nɔn dawɛ Edom ne Moab tena nɛ, Amɔn tena berɛ ba bechale dɛɛ tom ba.

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Aesaya 49:18

Ha sie nyiŋi bar dɛ́ na waa aa dɛ chiɡ! He nɛra dɛ́ cheme dɛ́ berɛ ba he be dem! N ŋwɛɛrɔ kɛ, maa ɛ Korowii maa lole saŋ bɛlbwa nɔ, he sie ɛɛ lɛ he nɛra nɛɛ, kɛŋɔ hanfale sie yon lɛ o baŋa kwaa ne nɔnloɡa aa wera ta la.

Jeremia 46:18

N ŋwɛɛrɔ kɛŋɔ men Koranar Bwa Kooro aa lole saŋ bɛlbwa nɔ, menee kooro. Gɛ Tabɔ Bwejen aa jaŋa ɡwaa bwejena bwa asɛ Kaamɛl Bwejen ɡe do jaŋne che mpo nyoa la, ɡɛɛ nɛn waa ba yo heyaa la kpeɡri ɛɛ ba doe.

Jeremia 48:1

Koranar Bwa Kooro, Israel tena aa dɛ tomɔ bol Moab harɛ wa men Jeremia be ŋɔ, “Nɛbo tena, hé bwɛɛlɛ, dɛkalkɛ he bwɛɛ la dɛ ba chɔɡa. Dɔma yo Kiriataim tena dɛ pɔ ba nɛ, o danjwɛkpeɡ baa maa baro kuuɡo, asɛ sihiih kpo ba.

Jeremia 49:1

Gɛ Korowii aa bol Amɔn tena waa laanee nɔ. “Baala toole Israel harɛ ta kpa, dɛ́ kpɔ harɛ la ɛ ba kapɛrɛ kon kɛɛ? Ɛrɛɛ nɛra baa dɛ tomɛ voɡ Molɛk berɛ ba lɛ Gad dea harɛ dɛ so o ta nɔɔ?

Jeremia 49:18

Gɛ maa chɔɡ Sodom ne Gomoora ne bwɛɛre aa bara cheme la, ɡɛɛ mɛɛ ba Edom harɛ chɔɡa, ásɛ nomɛlbwa aa won so bela kpa. Men Nemenɛ Korowiirii bola.

Jeremia 49:33

Bwɛjen Hasɔ ɛɛ berɛ kalampoŋare soŋnibɔree, dɛ́ ɛ pua hɛŋle ɡbo harɛ saŋ bɛlbwa dɛɛ la. Nomɛlbwa aa wola won so bela kpa. Men Korowiirii bola.”

Jeremia 50:40

Gɛ maa chɔɡ Sodom ne Gomoora ne bwɛɛre aa bara cheme la, ɡɛɛ mɛɛ ba Babelɔn harɛ chɔɡa, ásɛ nomɛlbwa aa won so bela kpa. Men Nemenɛ Korowiirii bola.

Emɔs 1:13

Korowii ŋɔ, “Amɔn tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba yo laa dɛɛ nyin ba harɛ do kan, anomanta, ba kpoo Gelead tekpoŋra, dɛ ya ba teene.

Emɔs 2:1

Korowii ŋɔ, “Moab tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba ta Edom kooro bui, ba huɡri o hoɡa, dɛ fuah a berɛ tɔɔ.

Sefania 2:14

Peera ne nae dɛ ola bwa soo siwi ɛɛ kpɔ belaa berɛ a chɔɔbɔra. Kwiure kpɔ o dimɡbeeni berɛ a sobɔra, a sii ɛɛ le a tokorore taa, ásɛ ɡaahɡaahre ɡe ɛɛ si a doonyoo. Peleme daa baa kpɔa ɛ doli dawɛ deene la ta la bwa chɔ baŋ.

Sefania 2:7

Juda tena baa ka la ɛɛ ka so belaa, ó berɛ ba kondɛɛra dibɔr, ásɛ jɔmɔra telo aa, bá ka chɔ bwɛjen Askɛlɔn deene bini. Korowii baa dɛ tomɔ laanee dɛ́ nyiŋi ba nɛ, dɛ́ ɡel ba do wer, ɡɛ ba fa aa doa wubwa la.

Sefania 3:13

Israel tena baa ka harɛ la ta la aa wechɔɡaa ɛ, kɛɛ dɛ́ teŋe nyosone, kɛɛ dɛ́ neɡre ba dɔŋa. Baa dɔ komɛlbwa baa dɛ nyinii ba deŋna sɔɔh ba, baa wola nomɛlbwaa ɔmɛ.”

Sekaria 2:13

Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.

Nɛra Kura 14:21

Kɛ dɛ a ɛ kasinteŋ kɛ n lole, n jirima ɡe su harɛ bwa ta naa,

Tɔn Pɔɔl Aa Chwerɛ Rom Tena 14:11

Korowii Tɔn baɡlɔ kɛŋɔ, “N Naa Korowii bolɔ ŋɔ, ‘N ŋwɛɛrɔ kɛŋɔ nɛra bwa ɛɛ ɡuŋ mɛ harɛɛ, ásɛ nomɛlbwa di kasinteŋ kɛŋɔ Korowiirii men.’ ”

Mmarare 29:22

He bii ne he naanar baa ka ba ne hɔɔhra baa le bojaŋa ɛɛ na weela ne ɡɛ Korowii aa chɔɡ he harɛ nɔɔ.

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.